Jueces 13:2 - Chayahuita (Shahui)

² Tano israiroꞌsa huënton noꞌpanënquë aꞌnara ninano yaꞌhuërin. Inaso ninanoꞌ, Sora itopi. Inaquë aꞌna quëmapi saꞌinë chachin yaꞌhuërin. Inasoꞌ quëmapi Manoa itopi. Saꞌinsoꞌ co nito huaꞌhuaninhuëꞌ.

Jueces 13:2 ပူးပေါင်းရင်းမြစ်များ

Génesis 11:30

Saraiso co huaꞌhuanaꞌpihuë niꞌton, co huaꞌhuaninhuëꞌ.

Génesis 16:1

Sarai co huaꞌhuanaꞌpihuë niꞌton, co Apran huiꞌnahuaninhuëꞌ. Napoaponahuëꞌ, Saraiso aꞌnara cosonanën yaꞌhuëtërin. Inaso iquipitoron. Acara itopi.

Génesis 25:21

Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

Génesis 49:16

‘Quëmaso Tano, quëmaora huëntonënquë yaꞌhuëpisopita catahuaran. Nanan yaꞌhuëtohuachinaꞌ, anoyatacaiso catahuaran. Aꞌnapita Israiro huëntonoꞌsa pochachin nisaran.

Lucas 1:7

Saꞌinso nipirinhuëꞌ co huaꞌhuanaꞌpihuëꞌ. Co aꞌnaya tërantaꞌ huaꞌhuin yaꞌhuëtërinhuëꞌ. Nani paiya. Soꞌiontaꞌ nani mashoya.

Jueces 2:1

Sinioro anquëninënso Quiricaro quëran pipirahuaton, Poquimo itopiquë pantarin. Inaquë cancontarahuaton, israiroꞌsa itapon: “Carinquëma Iquipito noꞌpaꞌ quëran ocoiranquëmaꞌ. Ocoirahuatënquëmaꞌ, iso noꞌpaquë quënanquëmaꞌ. Iso noꞌpasoꞌ, shimashonëmapita nani shaꞌhuitërahuë quëtaꞌhuanquëmaso marëꞌ: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Ina quëran canpitanta shaꞌhuitëranquëmaꞌ: ‘Canpitaroꞌco anoyatërahuësoꞌ co onporonta nishataponhuëꞌ. Canpitanta napoaponahuëꞌ, ama Canaanquë yaꞌhuëpisopitarëꞌquëmaꞌ, anoyatocosohuëꞌ. Mamanshi moshacaiso marëꞌ artaroroꞌsa nipisoꞌ ataꞌhuantocoꞌ,’ itëranquëmaꞌ. Napotopiranquëmahuëꞌ, canpitaso co natëramacohuëꞌ. Co natëtatomahuëꞌ paꞌpi noꞌhuípiro ninamaꞌ.