Judas 1:9 - Chayahuita (Shahui)

⁹ Iráca Moisësë chiminpachina, Yosëri anquëni huaꞌan aꞌpaimarin nonën paꞌpitacaso marëꞌ. Miquiri itopisoꞌ. Sopairi yaosërëtohuachina, ninoꞌhuipi. Naporoꞌ anquëni chiníquën nanantaponahuëꞌ, co nohuantërinhuëꞌ sopai pinocasoꞌ. Co inaora anaꞌintacasoꞌ yonquirinhuëꞌ. “Sinioro anaꞌinchinquën,” itërin.

Judas 1:9 ပူးပေါင်းရင်းမြစ်များ

Marcos 15:29

Piyapiꞌsaꞌ naꞌhuëpona pochin Quisoso tëcariatonaꞌ, tëhuapi. —“Yosë pëinën ataꞌhuantohuato, cara tahuëri quëran anoyatantarahuë,” tënan pora.

Deuteronomio 34:6

Nani chiminpachina, Siniorori Moapo parti aꞌna motopianaquë paꞌpitërin. Piti-pior notënanquë paꞌpitërin. Napoaponahuëꞌ, iso quirica ninshitasoco huarëntaꞌ, co insonta paꞌpitërinsoꞌ nohuitërinhuëꞌ.

1 Tesalonicenses 4:16

Chiníquën nanantaton, oꞌmantararin. Anquëni huaꞌaontaꞌ chiníquën shaꞌhuirarin. Yosë nohuanton, tronpita pihuirarin. Naporoꞌ Quisocristo imatonaꞌ chiminpisopitaꞌton nanpiantarapi.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.

2 Pedro 2:11

Anquëniroꞌsaso nipirinhuëꞌ inapita quëran chini chiníquën nanantaponaraihuëꞌ, co nohuantopihuëꞌ pinotacaisoꞌ. “Yosëri anaꞌinchin,” taꞌtonaꞌ, tananpitopi.

Apocalipsis 12:7

Ina quëran huaꞌnarëso pochin niantarahuë. Inápaquë quira nisapi. Anquëni huaꞌan Miquiri itopisoꞌ anquëninënpita camairin panca yaꞌhuan pochin nininsoꞌ minsëcaiso marëꞌ. Inantaꞌ anquëniroꞌsaꞌ camairinsopitarë chachin ahuëtopirinahuëꞌ,