Judas 1:8 - Chayahuita (Shahui)8 Inapochachin iporantaꞌ nisha aꞌchinaꞌpiroꞌsasoꞌ, huëꞌëiri ahuaꞌyantërinso pochin cancantatonaꞌ, inahuara yonquinëna quëran nonpin nanan imasapi. Naꞌcon monshihuanatonaꞌ, nitapicancanapi. Co inso tërantaꞌ yanatëpihuëꞌ. “Co insontaꞌ camaiinpoasoꞌ yaꞌhuërinhuëꞌ,” toconpi. Chiníquën nanantopisopita Yosëri acorinsoꞌ inapitantaꞌ tëhuapi. အခန်းကိုကြည့်ပါ။ |
Nisha nisha nicacaisoꞌ yonquipi. Saꞌinaꞌ, soꞌinaꞌ inapita yaꞌhuëtaponaraihuëꞌ, monshihuanpi. Quëmapi capini, sanapi capini nisëꞌhuapi. Piyapiꞌsa chachin ihuatopi paꞌanacaiso marëꞌ. Nonpintopi. “Tëhuënchachin noꞌtëquën nonahuë,” taponaraihuëꞌ, nonpinpi. Yosësoꞌ noya nicacasoꞌ aꞌchintopirinpoahuëꞌ, co nohuantopihuëꞌ natëcaisoꞌ. Ina pochin nipisopita tëhuënchinsoꞌ pënënacasoꞌ yaꞌhuërin.
Ansianoꞌsaꞌ pënënpachinënquëmaꞌ, noya natëcoꞌ. Noya noya imacamaso marëꞌ Yosëri acorin. Aꞌna tahuëri inapitantaꞌ yaꞌipi napopisopita Yosë shaꞌhuitapi. Nani tahuëri pënënarinënquëmaꞌ. Noya natëhuatamaꞌ, noya cancantatonaꞌ, aꞌchintarinënquëmaꞌ. Co yanatëhuatamahuëꞌ, sëtapi. Naporahuaton, canpitantaꞌ co noya noya cancantapomahuëꞌ.