Judas 1:18 - Chayahuita (Shahui)

¹⁸ “Ayaroꞌ tahuëri naniriahuachin, co noyahuëꞌ quëmapiꞌsaꞌ yaꞌhuërapi. Yosë nanamën tëhuaapi. Co noyahuëꞌ cancantatonaꞌ, aꞌnaratipita nisapi,” itërinpoaꞌ.

Judas 1:18 ပူးပေါင်းရင်းမြစ်များ

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

2 Timoteo 3:13

Co noyahuëꞌ nipisopita, nonpintëroꞌsaꞌ, inapitasoꞌ aquë aquëtëꞌ co noyahuëꞌ nisapi. Naꞌcon piyapiꞌsa nonpintopi quëran, aꞌnapitarintaꞌ nonpintapi.

2 Timoteo 4:3

Aꞌna tahuëri piyapiꞌsaꞌ co nohuantapihuëꞌ Yosë nanamën natanacaisoꞌ. Nonpin nananoꞌsaꞌ nisha nisha aꞌchinpachinaꞌ, paꞌyatapi. Inahuara costapisorachin yanatanapi.

2 Pedro 2:1

Iráca Yosëri acorinsopita noꞌtëquën pënëntopi. Aꞌnaquënso nipirinhuëꞌ nonpin nanan pënëntatonaꞌ, israiroꞌsaꞌ nonpintopi. Inapochachin iporantaꞌ aꞌnaquën nonpin nanan yaaꞌchintarinënquëmaꞌ. Noyasha nontapirinënquëmahuëꞌ, nonpintarinënquëmaꞌ. “Quiyantaꞌ imarai,” taponaraihuëꞌ, nonpin nanan aꞌchinapi anishacancantacaiso marëꞌ. Quisocristo nichaꞌëinpoaso marëꞌ chiminin. Inaíchin natëcaso nipirinhuëꞌ, nisha aꞌchinaꞌpiroꞌsasoꞌ co yanatëpihuëꞌ. Ina marëꞌ aꞌna tahuëri Yosëri anaꞌintarin. Aꞌnanaya anaꞌintarin.

2 Pedro 2:10

Aꞌnaquën co piꞌpisha tërantaꞌ Yosë yanatëpihuëꞌ. Inapitasoꞌ chini chiníquën anaꞌintarin. Co Yosë natëtonahuëꞌ, co noyahuëꞌ nicacaisoráchin yonquipi. Aꞌnaratipita taparoꞌ nisáponaraihuëꞌ, co ina marëꞌ tapanpihuëꞌ. “Caora noya nitotërahuë,” taꞌtonaꞌ, co inso tërantaꞌ yanatëpihuëꞌ. Chiníquën nanantopisopita Yosëri acorinsoꞌ co quënanpirinahuëꞌ, pinopi.

2 Pedro 3:3

Isoꞌ naꞌcon yonquicoꞌ. Oꞌmantacasoꞌ tahuëri yaꞌcaritohuachin, co noyahuëꞌ piyapiꞌsaꞌ yaꞌhuaponaꞌ. Co Yosë natëtonaraihuëꞌ, maꞌsona yonquipisoꞌ nisapi. Co noyahuëꞌ cancantapi. Quisocristo shaꞌhuitërinpoasoꞌ tëhuaapi.

Judas 1:16

Yosësoꞌ noya nosoropirinpoahuëꞌ, inapitasoꞌ maꞌsha onpohuachinara, ina noꞌhuipi. Co sano cancantopihuëꞌ. Maꞌsona tërantaꞌ yonquihuachinara, nipi. Co noyahuëꞌ cancantatonaꞌ, napopi. “Quiyasoꞌ noya noya nitotërai,” taꞌtonaꞌ, chiníquën nonconpi. Co piyapi nosoroaponaraihuëꞌ, noyasha nontopi. Inahuara canacaiso marëꞌ napotopi.

Judas 1:4

Tëhuënchachin aꞌnaquënsoꞌ nonpin nanan aꞌchintarinënquëmaꞌ. Paꞌpi co noyahuëꞌ inapitasoꞌ. “Quiyantaꞌ imarai,” taponaraihuëꞌ, co noꞌtëquën aꞌchinpihuëꞌ. “Maꞌsona nohuantërëhuaso niahuaꞌ. Yosë nosororinpoaꞌ niꞌton, co anaꞌintarinpoahuëꞌ,” taꞌtonaꞌ, paꞌpi co noyahuëꞌ nipi. Noꞌpipi, monshihuanpi, aꞌnaratipita nipi. Naporahuatonaꞌ, co tëhuënchachin Quisocristo imapihuëꞌ, inasáchin natëcaso nipirinhuëꞌ. Ina marëꞌ Yosëri chiníquën anaꞌintarin. Iráca quëra huarëꞌ nani yonquirin anaꞌintacasoꞌ. Napoaton niꞌcona canpitantaꞌ nonpintochinënquëmaꞌ. Chiníquën cancantatomaꞌ, noꞌtëquën aꞌchincoꞌ.