Judas 1:13 - Chayahuita (Shahui)

¹³ Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.

Judas 1:13 ပူးပေါင်းရင်းမြစ်များ

Salmos 65:7

Marë panca coꞌsacaitohuachina, quëmari asanoiran. Nisha nisha nacionoꞌsanta noꞌhuitohuachinara, quëmariáchin asanoran.

Filipenses 3:19

Inapitasoꞌ co Quisocristo nanamën imapihuëꞌ. Maꞌsona tërantaꞌ yanipachinara, nipi. Ina marëꞌ tapanacasoꞌ yaꞌhuëpirinhuëꞌ, co tapanpihuëꞌ. “Nohuantato, napoarahuë,” toconpi. Isoroꞌpaquë yaꞌhuërinsopitaráchin yonquipi. Aꞌna tahuëri pënquë parisitomiatapi.

2 Timoteo 3:13

Co noyahuëꞌ nipisopita, nonpintëroꞌsaꞌ, inapitasoꞌ aquë aquëtëꞌ co noyahuëꞌ nisapi. Naꞌcon piyapiꞌsa nonpintopi quëran, aꞌnapitarintaꞌ nonpintapi.

2 Pedro 2:17

Nisha aꞌchinaꞌpiroꞌsaꞌ co Quisocristo nanamën aꞌchinpihuëꞌ. Poso yanirinso pochin nipi. Yanihuachina, co huachi oꞌocasoꞌ yaꞌhuërinhuëꞌ. Inapochachin nisha aꞌchinaꞌpiroꞌsaꞌ nonpintarinënquëmaꞌ. Isontaꞌ yonquicoꞌ. Huaꞌquiꞌ co oꞌnanpachinahuëꞌ, chitoroꞌ yaráton quënanpatëra, paꞌyatopirëhuëꞌ. Panca ihuani quëpahuachina, co huachi oꞌnaninhuëꞌ. Inapochachin nisha aꞌchinaꞌpiroꞌsaꞌ nisapi. “Noya noya aꞌchintarainquëmaꞌ,” itopirinënquëmahuëꞌ, co tëhuënchachin catahuarinënquëmahuëꞌ. Nani iráca Yosëri yonquirin anaꞌintacasoꞌ. Tashinanquë aꞌpararin. Inaquë parisitáponaꞌ. Co onporontaꞌ pipiponahuëꞌ.

Judas 1:6

Anquëniroꞌsantaꞌ yaꞌnan nipon, yaꞌipiya noya yonquipirinahuëꞌ. Ina quëran aꞌnaquën nisha cancantatonaꞌ, co huachi Yosë yanatëpihuëꞌ. “Quiyantaꞌ nóyacoi niꞌtoi, natëinacoisoꞌ yaꞌhuërin,” topiso marëꞌ, co huachi Yosëꞌpaꞌ yaꞌhuëpihuëꞌ. Nani Yosëri yonquirin chiníquën anaꞌintacasoꞌ. Tashinanquë tonpopinan yaꞌhuapi. Ayaroꞌ tahuëri parisitopiquë aꞌpararin. Co onporontaꞌ chaꞌësapihuëꞌ.

Apocalipsis 20:10

Ina quëran sopai anaꞌintomiatarin. Huaꞌquiꞌ piyapiꞌsaꞌ nonpintërin niꞌton, Yosëri anaꞌintarin. Panca sono shaꞌpimoꞌshirë chachin pën orotërinquë tëꞌyatarin. Co onporontaꞌ pipiarinhuëꞌ. Inaquë maꞌsha paꞌpi tëꞌhuatoroꞌ nininsontaꞌ parisitarin. Nonpin nanan pënëntonaꞌpintaꞌ inaquë chachin parisitarin. Tahuërirë chachin, tashirë chachin chiníquën parisitapi. Co onporontaꞌ sanoarinhuëꞌ. Co onporontaꞌ pipiapihuëꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.