Juan 9:8 - Chayahuita (Shahui)

⁸ Yaꞌcariya yaꞌhuëpisopitari quënanahuatonaꞌ, paꞌyanpi. Nani huaꞌquiꞌ huënsëaton, coriqui maꞌpatërin. Somaraya niꞌton, topinan quëtopi. Napoaton naꞌa piyapiꞌsari nohuitopi. Inapitari quënanahuatonaꞌ, ninontopi. —¿Isona quëmapi iꞌhua coriqui maꞌpatërinsoꞌ ti? nitopi.

Juan 9:8 ပူးပေါင်းရင်းမြစ်များ

Marcos 10:46

Ina quëran paantarahuatonaꞌ, Quiricoquë canconpi. Caꞌtanoꞌsanënpitarë chachin pipihuachinara, naꞌa piyapiꞌsarintaꞌ imasapi. Naporoꞌ aꞌna somaraya ira yonsanquë huënsëarin quënanconpi. Timio huiꞌnin niꞌton, Partimio itopi. Somaraya niꞌton, nani tahuëri coriqui topinan maꞌpatárin.

Lucas 1:58

Quëmopinënpita, yaꞌcariya yaꞌhuëpisopita, inapita natantopi. “¡Ma noya Yosëri catahuarin niꞌton, noya huairin! taꞌtonaꞌ,” nóya cancantopi.

Lucas 18:35

Ina quëran Quiricoquë yaꞌcaritohuachina, aꞌna quëmapi quënanconin. Ira yonsanquë huënsëarin. Somaraya niꞌton, nani tahuëri inaquë huënsëaton, coriqui topinan maꞌpatárin.

Juan 9:9

—Ina mini, tënin aꞌnaquën. —Ina pochin yaꞌnopirinhuëꞌ co inahuëꞌ topiraihuëꞌ, topi aꞌnaquëontaꞌ. —Ca mini, co nishacohuëꞌ, tënin quëmapisoꞌ.

Rota naporinso' 1:19

Ina pochin cato chachin paꞌsápatona Pirinꞌpaꞌ canconpi huachi. Ninanoquë yaꞌconpachinara, naní quëran paꞌyatopi. Paꞌyatatona napopi: —¡Niꞌcochi. Noimi canquirin! topi.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.