Juan 9:29 - Chayahuita (Shahui)

²⁹ Yosëri iráca Moisësë nontërin. Quisososo nipirinhuëꞌ intohua quëransoꞌ huëꞌmara. Co nitotëraihuëꞌ, itopi.

Juan 9:29 ပူးပေါင်းရင်းမြစ်များ

1 Reyes 22:27

Inapitaquë quëparahuatomaꞌ, shaꞌhuitoco tashinanpëiquëchinaꞌ. Naporahuaton piꞌpian piꞌpian aꞌcainaꞌ, oꞌshichinaꞌ, napochinaꞌ. Siria sontaroꞌsa minsëato huënantaꞌhuarëꞌ, inapochinaꞌ, itërin.

Salmos 105:26

Napohuachina piyapinën Moisësë itopisoꞌ aꞌpatërin. Aaronta huayonin niꞌton, inarë paꞌnin.

Salmos 22:6

Caso nipirinhuëꞌ, co piyapi pochin niꞌninacohuëꞌ. Chaꞌcho pochin nicatonaco tëhuarinaco. Naꞌa piyapiꞌsa co quëꞌyarinacohuëꞌ.

Malaquías 4:4

Tiquiapon pochin Siniorosoꞌ pënëntaton: “Piyapinëhuë Moisësë itopisoꞌ, Sinai motopiquë pënëntërahuësoꞌ aninshitërahuë. Ama ina naniantatomarahuëꞌ, yonquiráco. Inaquë nanamëhuë, camaitërahuësopita, inapita israiroꞌsanquëma natëcamaso marëꞌ quëtëranquëmaꞌ.

Mateo 12:24

Parisioroꞌsariso nipirinhuëꞌ, co natëpihuëꞌ: “Sopairoꞌsaꞌ huaꞌan Piirsipo itopisoari catahuarin niꞌton, nanitaparin sopairoꞌsaꞌ aꞌpacasoꞌ. Co inari catahuarinhuëꞌ naporini, co nanichitonhuëꞌ,” topi.

Mateo 26:61

—Iꞌhua chachin Quisoso noninsoꞌ natanai. “Yosë chinotopiso pëiꞌ ataꞌhuantahuato, caora nanitërahuë anoyatantaꞌhuasoꞌ. Cara tahuëri quëran anoyatantarahuë,” toconin, itopi.

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 7:27

—Napochináchin, nipirinhuëꞌ Quisoso intohua quëransona huëꞌninsoꞌ nitotërëhuaꞌ. Cristoso huëꞌpachin intohua quëransona huëꞌninsoꞌ, co insonta nitotarinhuëꞌ, nitopi.

Juan 7:28

Quisososo nipirinhuëꞌ, Yosë chinotopiso pëiquë chiníquën itaantarin: —¿Nohuitëramaco ti? Intohua quëransoꞌ huëꞌnahuësoꞌ nitotapomarahuëꞌ, co tëhuënchachin nohuitëramacohuëꞌ. Co caora nohuanto, oꞌmarahuëꞌ. Yosë nohuanton, oꞌmarahuë. Inasoꞌ noꞌtëquën nonin. Nipirinhuëꞌ, inantaꞌ co nohuitëramahuëꞌ.

Juan 8:14

—Caora yonquinëhuë quëran napopirahuëꞌ, tëhuënchachin noꞌtëquën nonahuë. Intohua quëransona oꞌmarahuësoꞌ nitotërahuë. Aꞌna tahuëri inatohua chachin panantarahuë. Casáchin ina nitotërahuë. Canpitaso nipirinhuëꞌ co nitotëramahuëꞌ. Napoaton natëcamacosoꞌ yaꞌhuërin.

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.

Juan 9:24

Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.

Juan 9:30

—¡Maꞌpitacha tënama paya! Intohuaransona huëꞌninso canpitaso co nitotopiramahuëꞌ, casoꞌ anoyarayatërinco.

Hechos 22:22

Piyapiꞌsaꞌ noya natanapirinahuëꞌ. “Nisha piyapiꞌsaꞌ aꞌchintarahuë,” topachina, noꞌhuitaantapi. “Tëpachinacoꞌ. ¡Paꞌpi co noya quëmapihuëꞌ! ¡Chiminchinaꞌin!” itopi.

Hechos 26:22

Yosësoꞌ catahuarinco, chaꞌërahuë. Napoaton ipora huantaꞌ natëarahuë. Yaꞌipi piyapiꞌsaꞌ huaꞌanoꞌsa quëran huarëꞌ shaꞌhuitarahuë. Moisësë, pënëntonaꞌpiroꞌsaꞌ, inapita ninopiso chachin aꞌchinarahuë:

Hechos 7:35

Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ.

Deuteronomio 34:10

Napoaponahuëꞌ, co huachi onporo tëranta israiroꞌsa yaꞌhuërinquë pënëntonaꞌpi Moisësë pochin yaꞌhuaantarinhuëꞌ. Inaíchin Siniororëꞌ aꞌninquëchin ninontërin. Siniorori camairin niꞌton, nani maꞌsha paꞌpi huëhuëpiro nininsopita Iquipito copirno anaꞌintacaso marëꞌ ninin. Ina catahuapisopita huaꞌanoꞌsaꞌ, yaꞌipi piyapinënpita, inapitanta anaꞌintacaso marëꞌ naporin. Israiroꞌsa niꞌtonënquënta chiníquën nanantaton, maꞌpitaso nicaton aꞌpayanin. Ina piquëransoꞌ, co huachi insonta ina pochin nanitaparinhuëꞌ.

Hebreos 1:1

Iráca quëran huarëꞌ Yosësoꞌ nanamën anitotërinpoaꞌ. Shimashonënpoapita, pënëntonaꞌpiroꞌsa quëran naꞌaro anitotërin. Naporahuaton nisha nisha quëran anitotërin. Co aꞌnaromaráchin yaꞌipi anitotërinhuëꞌ.

Hebreos 1:2

Iporaso nipirinhuëꞌ, huiꞌnin quëran nontërinpoaꞌ. Iráca Yosëri shaꞌhuitohuachina, Quisocristori isoroꞌpaꞌ, inápaquë yaꞌhuërinsopita, yaꞌipi ninin. Aꞌna tahuëri Yosë nohuanton, yaꞌipi huaꞌanëntarin.