Juan 9:24 - Chayahuita (Shahui)

²⁴ Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.

Juan 9:24 ပူးပေါင်းရင်းမြစ်များ

Marcos 15:27

Quisoso pirayan catoꞌ apiroꞌsantaꞌ patanantopi. Aꞌnaraꞌ inchinan quëran, aꞌnantaꞌ ahuënan quëran acopi. [

Lucas 15:2

Ina niꞌsahuatonaꞌ, parisioroꞌsaꞌ, cotio maistroꞌsaꞌ, inapitari noꞌhuipi. —¿Onpoatontaꞌ Quisoso oshahuanoꞌsaꞌ paꞌyatërin? Inapitarëꞌ coshatarin, co napocasohuëꞌ nipirinhuëꞌ, toconpi.

Lucas 19:7

Piyapiꞌsari quënanahuatonaꞌ, ninontapi. “¿Onpoatontaꞌ oshahuan pëinënquë yacahuatonin?” nitopi.

Lucas 7:39

Ina niꞌsahuaton, pëiꞌ huaꞌanëni co noyahuëꞌ niꞌnin. Inaora yonquinën quëran yonquirarin. “Quisoso pënëntonaꞌpi naporini, iso sanapi nohuichitonhuëꞌ. Oshahuan niꞌton, co sëꞌhuacasoꞌ nohuanchitonhuëꞌ,” tënin yonquiaton.

Juan 14:30

Co huachi huaꞌquiꞌ nontaranquëmahuëꞌ. Sopai huaꞌan nohuanton, masarinaco. Inari camairin niꞌton, nani huëꞌsapi macainacoso marëꞌ. Co casoꞌ piꞌpian tërantaꞌ ina camaincosohuëꞌ nipirinhuëꞌ,

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Juan 18:30

—Paꞌpi co noyahuëꞌ. Noya ninin naporini, co quëshiitënquënhuëꞌ, itopi.

Juan 19:6

Corto huaꞌanoꞌsaꞌ, ponisiaroꞌsaꞌ, inapitari quënanahuatonaꞌ, chiníquën noncarotopi. —¡Corosëquë patanantëquëꞌ chimiin! itopi. Inachin inachin itápi. —Canpitari corosëquë patanantatomaꞌ, tëpacoꞌ. Co casoꞌ nohuantërahuëꞌ tëpaꞌhuasoꞌ. Co mantaꞌ onporinhuëꞌ, tënahuë casoꞌ, itërin Piratori.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Juan 8:46

¿Inquëmataꞌ nanitëramaꞌ noꞌtëquën shaꞌhuirapiamacosoꞌ? “Co noyahuëꞌ nicaton, oshahuanan,” itohuatamaco, nonpinaramaꞌ. Casoꞌ noꞌtëquën nontaranquëmaꞌ, nipirinhuëꞌ, ¿onpoatomataꞌ co natëramacohuëꞌ? tënahuë.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.

Juan 9:25

—Ahuën. Oshahuamara. Co ina nitotërahuëꞌ. Nipirinhuëꞌ, anoyarayatërinco. Iꞌhua co mantaꞌ quënantopirahuëꞌ, nani noya niꞌtërahuë. Inaíchin nitotërahuë, itërin.

Romanos 8:3

Iráca Yosë pënënpirinpoahuëꞌ. Co noyahuëꞌ cancantatëhuaꞌ, co nanitërëhuahuëꞌ noꞌtëquën natëcasoꞌ. Ina quëran huiꞌnin chachin isoroꞌpaquë aꞌpaimarin. Piyapi chachin nasitimarin. Co oshahuanaponahuëꞌ, oshanënpoaꞌ inquitinpoaso marëꞌ chiminin. Inapoaton, nichaꞌërinpoaꞌ ama huachi anaꞌintinpoaso marëhuëꞌ.

2 Corintios 5:21

Iráca Quisocristo co mantaꞌ oshahuanaponahuëꞌ, Yosë nohuanton, yaꞌhuërëtërinpoaꞌ. Oshahuan pochin nicaton, Yosëri chiníquën anaꞌintërin. Canpoa marëꞌ chiminin niꞌton, co huachi oshahuan pochin niꞌninpoahuëꞌ. Quisocristo imapatëhuaꞌ, Yosë nóya niꞌsarinpoaꞌ.

Apocalipsis 11:13

Naporo chachin panca ocohua paꞌsarin. Paꞌpachina, notohuaroꞌ pëiroꞌsaꞌ ohuatarin. Canchisë huaranca piyapiꞌsaꞌ chiminapi huachi. Aꞌnapitasoꞌ paꞌpi tëꞌhuatapi. “Yosë nohuanton, naporin. ¡Maꞌpitacha nanitaparin paya!” tosapi.