Juan 9:21 - Chayahuita (Shahui)

²¹ —Co quiyasoꞌ nitotëraihuëꞌ. ¿Incarisoꞌ anoyarayatomara? Nani mashotërin. Ina natancoꞌ shaꞌhuichinquëmaꞌ, tënin paꞌpin.

Juan 9:21 ပူးပေါင်းရင်းမြစ်များ

Lucas 8:43

Paaquëyaꞌ, aꞌna sanapiri imaquiarin. Huaꞌquiꞌ panca huënaiꞌ aꞌparárin. Nani shonca catoꞌ piꞌipi co sanorinhuëꞌ. Naꞌa notoroꞌsari nonënpirinahuëꞌ. Yaꞌipi coriqui iꞌquiaponahuëꞌ, co mantaꞌ noyatërinhuëꞌ.

Juan 5:5

Inaquë aꞌna quëmapi yaꞌhuërin. Nani cara shonca posa piꞌipi caniorin. Co nanitërinhuëꞌ huanicasoꞌ.

Juan 9:10

—¿Onporahuatontaꞌ iporasoꞌ noya niꞌtëran? itopi.

Juan 9:22

Cotio huaꞌanoꞌsaꞌ tëꞌhuataton, napotërin. Iꞌhua chachin huaꞌanoꞌsa capini ninontopi Quisoso imarinsopita anaꞌintacaiso marëꞌ. “Quisososoꞌ Cristo chachin,” topachinaꞌ, ocoiaꞌahuaꞌ. Ocoihuatëhuaꞌ, co huachi nanitapihuëꞌ niyontonpiso pëiquë huëcacaisoꞌ, nitopi.

Juan 9:23

Napoaton: “Nani mashotërin. Ina natancoꞌ,” itërin paꞌpini.

Hechos 9:33

Inaquë aꞌna quëmapi quënanconin, Iniasë itopisoꞌ. Posa piꞌipi canioton, quëhuënárin. Apia niꞌton, co nanitërinhuëꞌ huanicasoꞌ.