Juan 9:18 - Chayahuita (Shahui)

¹⁸ Huaꞌanoꞌsaso nipirinhuëꞌ co natëpihuëꞌ. “Iso quëmapi co somaraya huaꞌhuataponahuëꞌ, nonpiámara,” topi. Napoaton aꞌshin, paꞌpin, inapita amatopi natanacaiso marëꞌ.

Juan 9:18 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Isaías 53:1

Noya nanan shaꞌhuitërinënpoasoꞌ natanpirëhuahuëꞌ, ¡caraíchinpoa natëtërëhuaꞌ! Sinioro chiníquën nanantërinsoꞌ, ¡co insonta yanitotërinhuëꞌ!

Lucas 16:31

‘Co Yosë quiricanën natëhuachinahuëꞌ, chimininsontaꞌ nanpiantapirinhuëꞌ, co onporontaꞌ natëapihuëꞌ,’ itërin Apraani,” tënin Quisoso.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 5:44

Canpita capini nipaꞌyatacasoráchin yonquiatomaꞌ, co Yosë noya nicainquëmasoꞌ yonquiramahuëꞌ. Napoaton co natëramacohuëꞌ.

Juan 9:19

Huëꞌpachinara, natanpi: —¿Isoꞌ huiꞌnan, somaraya huaꞌhuatërinsoꞌ? itopi. Itohuachinara: —Ina mini huiꞌnahuë. Somaraya huaꞌhuatërin, itërin. —¿Onporahuatontaꞌ iporasoꞌ noya niꞌtërin? itopi.

Juan 9:22

Cotio huaꞌanoꞌsaꞌ tëꞌhuataton, napotërin. Iꞌhua chachin huaꞌanoꞌsa capini ninontopi Quisoso imarinsopita anaꞌintacaiso marëꞌ. “Quisososoꞌ Cristo chachin,” topachinaꞌ, ocoiaꞌahuaꞌ. Ocoihuatëhuaꞌ, co huachi nanitapihuëꞌ niyontonpiso pëiquë huëcacaisoꞌ, nitopi.

Hebreos 4:11

Napoaton naꞌcon yonquiaꞌahuaꞌ Yosë huëntonënquë yaꞌconacaso marëꞌ. Iráca co natëtonahuëꞌ, co imamiatopihuëꞌ. Ama inapita pochin cancantahuasohuëꞌ.