Juan 9:1 - Chayahuita (Shahui)

¹ Quisoso paꞌsahuaton, aꞌna quëmapi quënanconin, somaraya nininsoꞌ. Huaꞌhuatërin quëran huarëꞌ co mantaꞌ niꞌtërinhuëꞌ.

Juan 9:1 ပူးပေါင်းရင်းမြစ်များ

Isaías 35:5

Naporoꞌ somarayaroꞌsa quënantaponaꞌ. Nëꞌhuëyaroꞌsanta natantaponaꞌ, nonaponaꞌ. Sonpacharoꞌsantaꞌ, yo pochin niiponaꞌ. Inotërosoꞌ, yaꞌshi yaꞌshin nipirinhuëꞌ, noꞌpa quëran notohuaroꞌ iꞌsharoꞌsa pipirantapon. Sonoroꞌsanta yaꞌhuëapon. Ipora asaniroꞌsa yaꞌhuërinquëntaꞌ, piquiraroroꞌsaꞌ, shiꞌshinamatëroꞌsaꞌ, inapita yaꞌhuëapon. Ina noꞌpanëmataëchin aꞌnara caritira pëntonapon. Co oshanëna inquihuachinahuëꞌ, co nanitapihuë inataëchin paꞌtacaisoꞌ. Naponin yonquipisopitantaꞌ, co inataquëchin paꞌsapihuëꞌ. Ina caritirasoꞌ: “Yosë caritiranën,” itaponaꞌ.

Mateo 20:30

Catoꞌ quëmapiꞌsaso nipirinhuëꞌ, ira yonsanquë huënsëapi. Somaraya niꞌtonaꞌ, inaquë huënsërapi coriqui maꞌpatacaiso marëꞌ. “Quisoso naꞌhuërarin,” topachinara, chiníquën përapi. —¡Nosorocoi Sinioro! Quëmasoꞌ Tapicoꞌ shinquën. Yosë aꞌpaimarinquën niꞌton, nosorocoi quiyantaꞌ topiraihuëꞌ, itopi.

Mateo 9:27

Ina quëran pipirahuaton paꞌsapirinhuëꞌ, catoꞌ somarayari imaquiapi. Co mantaꞌ quënantopihuëꞌ. Quisoso imaratonaꞌ, chiníquën nontapi. —¡Nosorocoi Sinioro! Quëmasoꞌ Tapicoꞌ shinquën. Yosë aꞌpaimarinquën niꞌton, nosoroatoncoi anoyatocoi, topiraihuëꞌ, itopi.

Marcos 9:21

—¿Onporo quëran huarëtaꞌ huiꞌnan naporin? itërin. —Huaꞌhuatapon quëra huarëꞌ naporin.

Lucas 8:43

Paaquëyaꞌ, aꞌna sanapiri imaquiarin. Huaꞌquiꞌ panca huënaiꞌ aꞌparárin. Nani shonca catoꞌ piꞌipi co sanorinhuëꞌ. Naꞌa notoroꞌsari nonënpirinahuëꞌ. Yaꞌipi coriqui iꞌquiaponahuëꞌ, co mantaꞌ noyatërinhuëꞌ.

Juan 5:5

Inaquë aꞌna quëmapi yaꞌhuërin. Nani cara shonca posa piꞌipi caniorin. Co nanitërinhuëꞌ huanicasoꞌ.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Juan 9:2

Caꞌtanoꞌsanënpitacoi imarai niꞌton, quiyantaꞌ niꞌnai. —¿Onpoatontaꞌ Maistro iso quëmapi somaraya nasitërin? ¿Inaora oshanën marëꞌ nica? ¿Aꞌshin, paꞌpin, inapita oshanëna marëꞌ nica? Shaꞌhuitocoi nitochii, itërai.

Hechos 14:8

Nistraquë apia yaꞌhuërin. Co nanitërinhuëꞌ iratacasoꞌ. Nasitërin quëran huarëꞌ co onporontaꞌ huanirinhuëꞌ.

Hechos 28:4

Naquëimirarinsoꞌ, yaꞌhuëhuanoꞌsari niꞌpi. “Iso quëmapi tëpatonaꞌpi ipora. Napoaton yosëroꞌsaꞌ nohuanton, maꞌsha onpoarin iꞌhuërëtacaso marëꞌ. Marë quëran chaꞌëponahuëꞌ, chimianin,” nitopi.

Hechos 9:33

Inaquë aꞌna quëmapi quënanconin, Iniasë itopisoꞌ. Posa piꞌipi canioton, quëhuënárin. Apia niꞌton, co nanitërinhuëꞌ huanicasoꞌ.