Juan 8:54 - Chayahuita (Shahui)

⁵⁴ —Casáchin “Noyaco,” tënahuë naporini, topinan quëran napoꞌitohuëꞌ. Nipirinhuëꞌ, Tata Yosë noya niꞌninco. Canpitantaꞌ: “Ina chinotërai,” tënamasoꞌ.

Juan 8:54 ပူးပေါင်းရင်းမြစ်များ

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 17:5

Iráca coꞌhuara isoroꞌpaꞌ yaꞌhuëyátërasohuëꞌ, quëmaroꞌco noya noya yaꞌhuëpirahuëꞌ, aꞌpaimaranco. Iporasoꞌ, Tata, quëmataquë naquëranchin acoantaco quëmaroꞌco chachin yaꞌhuantaꞌi.

Juan 2:11

Naporoꞌ Quisoso caniaritërin Yosë pochin nicacasoꞌ. Piyapiꞌsari nicatonaꞌ: “Tëhuënchachin Yosëri catahuarin niꞌton, nanitaparin,” topi. Caꞌtanoꞌsanënpitacointa niꞌsahuatoi: “Quisososoꞌ, Yosëri aꞌpaimarinsoꞌ,” tënai. Canaquë naporin. Inaso ninanoꞌ, Cariria parti yaꞌhuërin

Juan 5:41

Co canpita noya nicamacoso marëꞌ napotëranquëmahuëꞌ.

Juan 7:18

Aꞌnaquënsoꞌ inahuara yonquinëna quëran aꞌchinpi. Piyapiꞌsari paꞌyatacaiso marëꞌ napopi. Casoꞌ nipirinhuëꞌ Yosëíchin yonquiato, noꞌtëquën aꞌchinahuë. Inaíchin paꞌyatacaisoꞌ yaꞌhuërin, tënahuë. Co nonpintëranquëmahuëꞌ.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

Juan 8:41

Canpitaso nipirinhuëꞌ tatanëma pochin nininsoꞌ nonanamaꞌ, itërin. —Co quiyasoꞌ maꞌpapiaꞌhuaroꞌsacoihuëꞌ. Yosë chachin tatanëhuëi. Inasáchin natërai, itaantapi.

Juan 8:50

Co noya niꞌpiramacohuëꞌ, co ina yonquirahuëꞌ. Yosësoꞌ noya niꞌninco. Inasoꞌ coisë pochin nicaton, noꞌtëquënáchin yonquirin.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

2 Corintios 10:18

“Casoꞌ noyaco,” topatëhuaꞌ, co ina marëꞌ Yosë noya niꞌsarinpoahuëꞌ. Noya cancantohuatëhuaꞌ, Yosë noya niꞌsarinpoaꞌ. Ina naꞌcon naꞌcon yonquiaꞌahuaꞌ.

1 Pedro 1:12

Ina quëran Yosëri anitotërin. “Pahuanarin nanicasoꞌ. Aꞌna tahuëri yaꞌhuëpisopita nitotacaiso marëꞌ ca nohuanton, ninoramaꞌ,” itërin Yosëri. Canpita iyaroꞌsaꞌ nitotacamaso marëꞌ ninopi. Iporasoꞌ ina noya nanan chachin aꞌchintërainquëmaꞌ. Inápa quëran oꞌmaton, Ispirito Santo catahuarincoi noya aꞌchinaꞌhuaiso marëꞌ. Anquëniroꞌsa quëran huarëꞌ yanitotopirinahuëꞌ, co yaꞌipiya nitotopihuëꞌ.

1 Pedro 1:21

Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.

2 Pedro 1:17

Quisocristoroꞌcoi aꞌna motopiꞌpaꞌ paꞌnai. Inaquë Yosë nohuanton, huënaráchin huënaráchin yaꞌnorin, niꞌnai. Naporo chachin inápa quëran Tata Yosë noninso natanai: “Isosoꞌ huiꞌnahuë, nosororahuësoꞌ. Nóya niꞌnahuë,” tënin. Yosë nohuanton, inaquë quënanatoi, natanai. Inapotatoncoi, Quisocristo chiníquën nanantërinsoꞌ anitotërincoi.