Juan 8:51 - Chayahuita (Shahui)

⁵¹ Noꞌtëquën itaranquëmaꞌ. Natëhuatamaco, co chiminaramahuëꞌ, itërin Quisosori.

Juan 8:51 ပူးပေါင်းရင်းမြစ်များ

Salmos 89:48

Co inso tëranta yaꞌhuëráponhuëꞌ. Co insonta chimirin quëran chaꞌësarinhuëꞌ.

Mateo 16:28

Tëhuënchachin isoroꞌpaꞌ huaꞌanëntapo. Aꞌnaquëmaꞌ coꞌhuara chimiyantërasënquëmahuëꞌ, huaꞌanëntarahuësoꞌ niꞌsaramaꞌ, itërin.

Lucas 2:26

Ina nohuanton, Simion nani ninorin. “Siniorori aꞌpaimarinsoꞌ nohuitapo. Coꞌhuara chimiyantërapohuëꞌ, Cristo oꞌmararin, niꞌsarahuë,” tënin yonquiaton.

Juan 14:23

Napotohuachina, Quisosori itërin: —Co yaꞌipi piyapiꞌsaꞌ nanitopihuëꞌ nohuitinacosoꞌ. Insosona nosorohuachinaco, natëarinaco. Natëhuachinaco, Tata Yosëri nosoroarin. Inaroꞌco yaꞌcoancantatoi, inaquë yaꞌhuëarai.

Juan 15:20

Noꞌhuirinaco niꞌton, canpitantaꞌ noꞌhuiarinënquëmaꞌ. Nani shaꞌhuitëranquëmaꞌ: ‘Huaꞌanëmaco niꞌton, co canpitasoꞌ noya noya niꞌsarinënquëmahuëꞌ,’ itëranquëmaꞌ. Aparisitërinaco niꞌton, canpitantaꞌ aparisitarinënquëmaꞌ. Aꞌchinahuësoꞌ natëhuachinaꞌ, canpitantaꞌ natëarinënquëmaꞌ.

Juan 17:6

Quëma nohuanton, aꞌnaya aꞌnaya imasarinaco. Isoroꞌpaquë yaꞌhuëpirinahuëꞌ, huayonan imainacoso marëꞌ. Napoaton, imasarinaco. Nani aꞌchintërahuë. Onpopinsona quëma cancantëransoꞌ nani anitotërahuë niꞌton, nohuitërinënquën. Inapitasoꞌ quëma piyapinënpita. Iráca quëran huarëꞌ yonquiran imainacosoꞌ. Quëma nanamën natëpi.

Juan 5:24

Noꞌtëquën itaranquëmaꞌ. Yosë chachin aꞌpaimarinco. Noya natanpatamaco, cancanëma quëran huarëꞌ ina imapatamaꞌ, nanpimiataramaꞌ. Co onporontaꞌ anaꞌintaranquëmahuëꞌ. Chiminpatamaꞌ, co parisitomiataramahuëꞌ. Nani Yosë nohuitaramaꞌ niꞌton, nanpimiataramaꞌ.

Juan 6:50

Insosona natëhuachinco inápa quëran cosharoꞌ oꞌmarinso capatë pochin nisarin. Napohuachin, Yosërëꞌ yaꞌhuëmiatapon.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Juan 8:52

—Sopai mini nani yaꞌcoancantërinquën. Co huachi yonquiranhuëꞌ. Apraan nani chiminin. Pënëntonaꞌpiroꞌsantaꞌ chiminpi antaꞌ. Quëmaso nipirinhuëꞌ: “Natëhuatamaco, co chiminaramahuëꞌ,” itërancoi.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

Hebreos 11:5

Iráca Inoco noya natërin niꞌton, Yosëri inápaquë quëpantarin. Napoaton co chimininhuëꞌ. Piyapiꞌsari yonisápirinahuëꞌ, co quënanpihuëꞌ. Coꞌhuara inápaquë quëpantayátërasohuëꞌ, “Inoco nóya niꞌnahuë,” tënin Yosë quiricanënquë.

Hebreos 2:9

Quisososo nipirinhuëꞌ yonquiaꞌahuaꞌ. Inasoꞌ isoroꞌpaquë oꞌmaton, piyapi chachin nasitimarin. Parisitaton, canpoa marëꞌ chiminin. Napoaton Yosëri chiníquën nanan quëtërin yaꞌipi huaꞌanëntacaso marëꞌ. Inaora nohuanton, Yosë nosoroatonpoaꞌ, huiꞌnin aꞌpatimarinpoaꞌ yaꞌhuërëtinpoaso marëꞌ. Yaꞌipi piyapinpoa marëꞌ chiminin.