Juan 8:49 - Chayahuita (Shahui)

⁴⁹ —Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

Juan 8:49 ပူးပေါင်းရင်းမြစ်များ

Isaías 42:21

Sinioroso Yosë nichaꞌëtonaꞌpi niꞌton, aꞌchininso noya noya niꞌcaiso marëꞌ naꞌcon naꞌcon nohuantërëhuaso chachin aꞌchinin.

Isaías 49:3

Sinioro chachin nontatonco: ‘Quëmasoꞌ Israironquën. Piyapinëhuënquën. Quëmá quëran noya noya ninahuësoꞌ aꞌnoarahuë,’ itërinco.

Juan 11:4

Ina natanahuaton, caꞌtanoꞌsanënpita itapon: —Tëhuënchachin yoꞌin chiníquën canioponahuëꞌ, co chiminacaso marëꞌ caniorinhuëꞌ. Noyatohuachin, naꞌa piyapiꞌsari nicatonaꞌ, naꞌcon naꞌcon Yosë yonquiapi. “Ma noyacha Yosësoꞌ niꞌton, anoyatërin paya,” tosapi. Cantaꞌ ina huiꞌninco niꞌton, noya niꞌsarinaco. Ina marëꞌ caniorin, itërin.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 14:13

Ca pochin yonquihuatamaꞌ, nanan quëchinquëmaꞌ Tatahuë nontacamaso marëꞌ. “Huiꞌnan chachin nanan quëtërinco,” taꞌtomaꞌ, ina nontocoꞌ. Ca pochin cancantatomaꞌ, maꞌsona nipatamaco acotaranquëmaꞌ. Aꞌnapitantaꞌ Tata Yosë noya noya nicacaiso marëꞌ inapoarahuë. Ina naꞌcon nohuantërahuë.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Juan 7:20

—¡Quëmasoꞌ sopai yaꞌcoancantërinquën niꞌton, huaꞌyantëran! ¿Intaꞌ yatëparinquën? itopi.

Juan 8:29

Tatahuë aꞌpaimarinco niꞌton, caꞌtaninco. Ina nohuantërinsoráchin noꞌtëquën natërahuë niꞌton, co patarincohuëꞌ, itërin.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

1 Corintios 11:14

Niꞌcoꞌ. Quëmapinpoaꞌ niyaꞌitërëhuaꞌ. Co ain aꞌpamacasoꞌ nohuantërëhuahuëꞌ.

1 Corintios 15:43

Iporasoꞌ nonënpoaꞌ co onpopinchin noyahuëꞌ. Chiminpatëhuaꞌ, paꞌpitarinënpoaꞌ. Aꞌna tahuërisoꞌ nipirinhuëꞌ, noyápiachin nonënpoaꞌ yaꞌhuëtarinpoaꞌ. Iporasoꞌ co chinipirëhuahuëꞌ. Nanpiantahuatëhuaꞌ, chiniarihuaꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.