Juan 8:43 - Chayahuita (Shahui)

⁴³ Aꞌchintopiranquëmahuëꞌ, ¿onpoatomataꞌ co natanamacohuëꞌ? Co natëtochináchinhuëꞌ cancantëramaꞌ niꞌton, co nanitëramahuëꞌ natanamacosoꞌ tënahuë.

Juan 8:43 ပူးပေါင်းရင်းမြစ်များ

Isaías 44:18

Napopisopita napoonpi. Co manta yonquipihuëꞌ. Somaraya pochin cancantatona co nanitopihuëꞌ noꞌtëquën yonquicaisoꞌ.

Isaías 6:9

Napotohuatora: “Paaton nipachin piyapinëhuëpita shaꞌhuitëquëꞌ: ‘Onponta nanamëhuë natanpiramahuëꞌ, co natëtaramahuëꞌ. Maꞌpitaso ninahuëso niꞌsápomarahuë tërantaꞌ, co yonquiaramahuëꞌ,’ tënin Sinioro, itonquëꞌ.

Oseas 14:9

Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Miqueas 4:12

Inapitasoꞌ, co yonquirahuëso nitotopihuëꞌ. Cari aꞌna tahuëri inimiconëmapita ayontonarahuë. Trico cayarinso mapachinara, tonpopi. Inapotahuatona toꞌnorapiquë yontonpi. Inapochachin cantaꞌ, inimiconëmapita nitarahuë.

Mateo 13:15

Isopitasoꞌ co natantochináchinhuëꞌ cancantopi. Nëꞌhuëya pochin cancantatonaꞌ, co yanatantopihuëꞌ. Tanshirinso pochin cancantatonaꞌ, co yaquënantopihuëꞌ. Noya niꞌpi naporini, quënanchitonahuëꞌ. Noya natanpi naporini, cancanëna quëran nataintonahuëꞌ. Co noyahuëꞌ yonquipisopita naniantatonaꞌ imarinaco naporini, anoyacancanchitohuëꞌ,’ tënin Yosë iráca. Ipora huantaꞌ naꞌa piyapiꞌsaꞌ ina pochin cancantopi.

Juan 5:25

Casoꞌ Yosë huiꞌninco. Iporaso huachi aꞌnaquën chimipi pochin nipisopita natanarinaco. Inapita noya natanpachinaco, Yosë anohuitarahuë. Ina nohuitohuachinaꞌ, nanpimiatapi.

Juan 5:43

Yosë chachin aꞌpaimarinco niꞌton, oꞌmapirahuëꞌ, co nohuantëramacohuëꞌ. Aꞌnaquënso nipirinhuëꞌ inaora yonquinën quëran aꞌchintohuachinquëmaꞌ, nohuantaramaꞌ.

Juan 6:60

Naꞌa piyapiꞌsaꞌ Quisoso imasapirinahuëꞌ, ina nanan natanahuatonaꞌ aꞌnaquën nisha yonquipi. —Aꞌchininsoꞌ sacaiꞌ imacasoꞌ. ¿Incaricha nitotaton, natërëꞌpoya? nitopi.

Juan 7:17

Cancanëma quëran huarëꞌ Yosë yanatëhuatamaꞌ, noꞌtëquën anitotarinquëmaꞌ: “Co inaora yonquinën quëran aꞌchininhuëꞌ. Yosë nanamën chachin aꞌchinarin,” tosaramaꞌ.

Juan 8:27

Tata Yosë tapon naporinsoꞌ co nitotopihuëꞌ.

Juan 8:33

—Quiyasoꞌ Apraan shinpitacoi. Co onporontaꞌ aꞌnapita camairinacoihuëꞌ. ¿Onpoatontaꞌ: “Co insontaꞌ camaiarinquëmahuëꞌ,” itërancoi? itopi.

Juan 8:39

—Apraan mini quiyaso tatanëhuëi, itopi. —Apraan pochin cancantëramaꞌ naporini, ina pochin noya niitomahuëꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Romanos 3:11

Co noꞌtëquën yonquipihuëꞌ. Co inahuara nohuantopihuë Yosë chinotacaisoꞌ.