Juan 8:42 - Chayahuita (Shahui)

⁴² Napotohuachinara: —Yosësoꞌ tatanëmaꞌ naporini, nosoroꞌitomacohuëꞌ. Yosë quëran oꞌmarahuë. Co caora nohuanto, oꞌmarahuëꞌ. Yosë aꞌpaimarinco.

Juan 8:42 ပူးပေါင်းရင်းမြစ်များ

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Juan 12:49

Co caora yonquinëhuë quëran aꞌchinahuëꞌ. Tata Yosë shaꞌhuitërinco nani maꞌsha aꞌchinaꞌhuasoꞌ.

Juan 13:3

Quisososo nipirinhuëꞌ yaꞌipi nitotërin. Yosë yaꞌhuërin quëran nani oꞌmarin. Co huaꞌquiya quëranhuëꞌ naquëranchin inatohuaꞌ panantararin. Tata Yosëri chini chiníquën nanan quëtërin yaꞌipiya huaꞌanëntacaso marëꞌ. Inantaꞌ nitotaton, coshatasocoi,

Juan 14:10

Caso Tata Yosë pochachin ninahuë. Tata Yosëntaꞌ ca pochachin ninin. ¿Co ina iyasha, natëyatëraranhuëꞌ ti? Aꞌchintohuatënquëmara, co caora yonquinëhuë quëran aꞌchinahuëꞌ. Yosë yonquirinso chachin yonquiato, aꞌchintaranquëmaꞌ. Ina nohuanton, nani maꞌsha nanitaparahuë.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Juan 17:25

Quëmasoꞌ Tata noꞌtëquënáchin yonquiaton, noyasáchin ninan. Co imarinacosopitahuëꞌ co nohuitërinënquënhuëꞌ. Caso nipirinhuëꞌ nohuitëranquën. Quëma isoroꞌpaquë aꞌpaimaranco. Imarinacosopita nitotopi.

Juan 17:8

Shaꞌhuitohuatancora, inachachin aꞌchintërahuë, natëtopi. Quëmá quëran oꞌmarahuë. Quëma chachin aꞌpaimarancosontaꞌ natëpi.

Juan 3:17

Co anaꞌintinpoaso marëꞌ huiꞌnin aꞌpaimarinhuëꞌ. Nichaꞌëinpoaso marëꞌ aꞌpaimarin. Huiꞌnin quëran chaꞌërihuaꞌ.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Juan 5:43

Yosë chachin aꞌpaimarinco niꞌton, oꞌmapirahuëꞌ, co nohuantëramacohuëꞌ. Aꞌnaquënso nipirinhuëꞌ inaora yonquinën quëran aꞌchintohuachinquëmaꞌ, nohuantaramaꞌ.

Juan 8:14

—Caora yonquinëhuë quëran napopirahuëꞌ, tëhuënchachin noꞌtëquën nonahuë. Intohua quëransona oꞌmarahuësoꞌ nitotërahuë. Aꞌna tahuëri inatohua chachin panantarahuë. Casáchin ina nitotërahuë. Canpitaso nipirinhuëꞌ co nitotëramahuëꞌ. Napoaton natëcamacosoꞌ yaꞌhuërin.

1 Corintios 16:22

Insosona co Sinioro Quisocristo nosorohuachinhuëꞌ, Yosëri anaꞌinchin. ¡Aꞌnaroáchin Sinioro oꞌmantaquëꞌ! tënahuë.

Gálatas 4:4

Ina quëran tahuërinën nanihuachina, Yosëri huiꞌnin aꞌpaimarin. Sanapi quëran nasitaton, piyapi chachin ninin. Cotio quëmapi niꞌton, iráca pënëntërinsoꞌ natëcasoꞌ yaꞌhuërin.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.

Apocalipsis 22:1

Ina quëran Yosë nohuanton, huaꞌnarëso pochin niantarahuë. Nasha Quirosarin niantahuato, anquëni pancaiꞌ aꞌnotërinco, noyápiachin nininsoꞌ. Inasoꞌ, Nanpirin iiꞌ itopisoꞌ. Yosë huaꞌanëntërin quëran pipirarin. Inaquë Carniroaꞌhuantaꞌ huaꞌanëntarin.