Juan 8:37 - Chayahuita (Shahui)

³⁷ Canpitasoꞌ Apraan shinpitanquëmaꞌ nipomarahuëꞌ, yatëparamaco. Aꞌchintopiranquëmahuëꞌ, nonahuësoꞌ co yanatëramahuëꞌ.

Juan 8:37 ပူးပေါင်းရင်းမြစ်များ

Mateo 13:15

Isopitasoꞌ co natantochináchinhuëꞌ cancantopi. Nëꞌhuëya pochin cancantatonaꞌ, co yanatantopihuëꞌ. Tanshirinso pochin cancantatonaꞌ, co yaquënantopihuëꞌ. Noya niꞌpi naporini, quënanchitonahuëꞌ. Noya natanpi naporini, cancanëna quëran nataintonahuëꞌ. Co noyahuëꞌ yonquipisopita naniantatonaꞌ imarinaco naporini, anoyacancanchitohuëꞌ,’ tënin Yosë iráca. Ipora huantaꞌ naꞌa piyapiꞌsaꞌ ina pochin cancantopi.

Mateo 3:9

Ama canpitaora ninonpintocosohuëꞌ. “Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Juan 10:31

Ina natanahuatonaꞌ, naquëranchin naꞌpiroꞌsaꞌ maantapi. Tëpacaiso marëꞌ maantapirinahuëꞌ,

Juan 11:53

Naporo tahuëri quëran huarëꞌ cotio huaꞌanoꞌsaꞌ yonquipi Quisoso tëpacaiso marëꞌ.

Juan 5:44

Canpita capini nipaꞌyatacasoráchin yonquiatomaꞌ, co Yosë noya nicainquëmasoꞌ yonquiramahuëꞌ. Napoaton co natëramacohuëꞌ.

Juan 7:1

Ina quëran huaꞌquimiáchin Quisoso Cariria parti yaꞌhuërarin. Cotioroꞌsari yatëpapi niꞌton, co Cotia parti yapaꞌninhuëꞌ.

Juan 7:19

Moisësë iráca pënëntopirinhuëꞌ, co aꞌnayanquëma tërantaꞌ natëramahuëꞌ. ¿Onpoatontaꞌ yatëparamaco? itërin.

Juan 7:25

Ina quëran yaꞌhuëhuanoꞌsari Quisoso quënanahuatonaꞌ, ninontopi. —¿Isona quëmapi yatëpapisoꞌ ti?

Juan 8:33

—Quiyasoꞌ Apraan shinpitacoi. Co onporontaꞌ aꞌnapita camairinacoihuëꞌ. ¿Onpoatontaꞌ: “Co insontaꞌ camaiarinquëmahuëꞌ,” itërancoi? itopi.

Juan 8:43

Aꞌchintopiranquëmahuëꞌ, ¿onpoatomataꞌ co natanamacohuëꞌ? Co natëtochináchinhuëꞌ cancantëramaꞌ niꞌton, co nanitëramahuëꞌ natanamacosoꞌ tënahuë.

Juan 8:56

Tata Apraan yonquirinco. “Aꞌna tahuëri Yosëri aꞌpaimarinsoꞌ oꞌmararin,” taꞌton, noya cancantërin. Nani niꞌninco niꞌton, noya cancantërin, itërin Quisosori.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Juan 8:6

Quisoso atëhuërahuatonaꞌ shaꞌhuirapicaiso marëꞌ natanapi. Quisososo nipirinhuëꞌ iꞌchorahuaton, imirin quëran noꞌpaquë ninshitarin.

Hechos 13:26

“Canpoasoꞌ iyaroꞌsaꞌ, Apraan shinpitanpoaꞌ niꞌtëhuaꞌ, Yosë nanan aꞌpatirinpoaꞌ nichaꞌëinpoaso marëꞌ. Nisha piyapinquëmantaꞌ Yosë chinotohuatamaꞌ, nichaꞌësarinquëmaꞌ canpitantaꞌ. Napoaton yaꞌipinquëmaꞌ shaꞌhuitaranquëmaꞌ.

Romanos 9:7

Apraan catoꞌ huiꞌninpita yaꞌhuëtopirinhuëꞌ, aꞌnaíchin Yosëri acorin Apraan yaꞌhuërëtacaso marëꞌ. “Isaco huayonahuë. Shinpitantaꞌ piyapinëhuëpita pochin niꞌsarahuë,” tënin Yosë.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

1 Juan 2:14

Yaꞌipi imaramasopita huiꞌnahuëpita pochin niꞌnanquëmaꞌ. Yosë nohuitëramaꞌ niꞌton, ninshitaranquëmaꞌ noya noya cancantacamaso marëꞌ. Quisocristo noya nohuitëramaꞌ niꞌton, iyaroꞌsaꞌ, ninshitaranquëmaꞌ. Inasoꞌ iráca quëran huarëꞌ yaꞌhuërin. Nani tahuëri, apiaꞌhuaroꞌsaꞌ, Yosë nanamën yonquiaramaꞌ. Napoaton chiníquën cancantaramaꞌ. Chiníquën cancantatomaꞌ, sopai nani minsëramaꞌ.