Juan 8:33 - Chayahuita (Shahui)

³³ —Quiyasoꞌ Apraan shinpitacoi. Co onporontaꞌ aꞌnapita camairinacoihuëꞌ. ¿Onpoatontaꞌ: “Co insontaꞌ camaiarinquëmahuëꞌ,” itërancoi? itopi.

Juan 8:33 ပူးပေါင်းရင်းမြစ်များ

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Mateo 3:9

Ama canpitaora ninonpintocosohuëꞌ. “Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Lucas 3:8

Co noyahuëꞌ yonquiramasopita naniantatomaꞌ, noya nicoꞌ. Ama ninonpintocosohuëꞌ. “Quiyasoꞌ Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Juan 19:25

Corosë yaꞌcari catapini sanapiꞌsaꞌ huaniapi. Aꞌnasoꞌ Quisoso aꞌshin. Aꞌnantaꞌ aꞌshatën. Criopasë saꞌin Maria itopisontaꞌ inaquë huaniarin. Aꞌnantaꞌ Maria Mactarina. Inapitari niꞌsapi.

Juan 8:37

Canpitasoꞌ Apraan shinpitanquëmaꞌ nipomarahuëꞌ, yatëparamaco. Aꞌchintopiranquëmahuëꞌ, nonahuësoꞌ co yanatëramahuëꞌ.

Juan 8:39

—Apraan mini quiyaso tatanëhuëi, itopi. —Apraan pochin cancantëramaꞌ naporini, ina pochin noya niitomahuëꞌ.

Juan 8:43

Aꞌchintopiranquëmahuëꞌ, ¿onpoatomataꞌ co natanamacohuëꞌ? Co natëtochináchinhuëꞌ cancantëramaꞌ niꞌton, co nanitëramahuëꞌ natanamacosoꞌ tënahuë.

Romanos 9:7

Apraan catoꞌ huiꞌninpita yaꞌhuëtopirinhuëꞌ, aꞌnaíchin Yosëri acorin Apraan yaꞌhuërëtacaso marëꞌ. “Isaco huayonahuë. Shinpitantaꞌ piyapinëhuëpita pochin niꞌsarahuë,” tënin Yosë.

Jueces 2:18

Inimiconënpitari aparisitahuachinara, israiroꞌsa tarëtatona naꞌnërápi. Naporoꞌ Siniorori nosororin. Ina nohuanton inapita catahuacaso marëꞌ huaꞌan huanirin. Ina nanpisoꞌ Siniorori catahuarin niꞌton, inimiconënpita quëran israiroꞌsa nichaꞌërin.

Jueces 4:3

Capinsoꞌ, iscon pasa toronanoꞌsa huaꞌnamia quëran nipisoꞌ yaꞌhuëtërin. Naporahuaton cato shonca piꞌipi israiroꞌsa huaꞌanëntaton, paꞌpi aparisitërin. Nápo piꞌipi quëran huachi, catahuacaiso marëꞌ Yosë nontopi.