Juan 8:26 - Chayahuita (Shahui)

²⁶ Canpitaso co noyahuëꞌ ninama niꞌton, naꞌcon shaꞌhuitaꞌhuanquëmaso yaꞌhuërin. Aꞌpaimarincosoꞌ noꞌtëquënáchin nonin. Ina shaꞌhuitohuachincora natanato, ina chachin shaꞌhuitaranquëmaꞌ, tënin.

Juan 8:26 ပူးပေါင်းရင်းမြစ်များ

Juan 15:15

Co casoꞌ patron pochin cancantërahuëꞌ. Patronsoꞌ piyapinënpita camairin. Camaipirinhuëꞌ, yonquirinso chachin co shaꞌhuitërinhuëꞌ. Nipayarinso nipirinhuëꞌ yaꞌipiya shaꞌhuitërin. Inapochachin carinquëmantaꞌ yaꞌipiya shaꞌhuitëranquëmaꞌ. Co piyapinëhuë pochin niꞌnanquëmahuëꞌ. Nipayarahuëso pochachin niꞌnanquëmaꞌ. Yaꞌipi Tatahuë shaꞌhuitërincosopita anitotëranquëmaꞌ.

Juan 16:12

Naꞌcon yaaꞌchintopiranquëmahuëꞌ, co ipora nanitaramahuëꞌ yaꞌipiya yonquicamasoꞌ.

Juan 17:8

Shaꞌhuitohuatancora, inachachin aꞌchintërahuë, natëtopi. Quëmá quëran oꞌmarahuë. Quëma chachin aꞌpaimarancosontaꞌ natëpi.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Juan 3:11

Noꞌtëquën itaranquën. Nitotatoi, aꞌchintarainquëmaꞌ. Niꞌnaisoꞌ shaꞌhuitarainquëmaꞌ. Canpitaso nipirinhuëꞌ co natëramacoihuëꞌ.

Juan 7:16

Napohuachinara, Quisosori itapon: —Co caora yonquinëhuë quëran aꞌchinahuëꞌ. Tata Yosë aꞌpaimarincosoꞌ shaꞌhuitohuachincora, cantaꞌ aꞌchinarahuë.

Juan 7:28

Quisososo nipirinhuëꞌ, Yosë chinotopiso pëiquë chiníquën itaantarin: —¿Nohuitëramaco ti? Intohua quëransoꞌ huëꞌnahuësoꞌ nitotapomarahuëꞌ, co tëhuënchachin nohuitëramacohuëꞌ. Co caora nohuanto, oꞌmarahuëꞌ. Yosë nohuanton, oꞌmarahuë. Inasoꞌ noꞌtëquën nonin. Nipirinhuëꞌ, inantaꞌ co nohuitëramahuëꞌ.

Juan 8:25

Napohuachina: —¿Inquëntaꞌ quëmasoꞌ? itopi. —Nani iráca quëran huarëꞌ shaꞌhuitëranquëmaꞌ. Ca inaco tënahuë.

Juan 8:27

Tata Yosë tapon naporinsoꞌ co nitotopihuëꞌ.

Juan 8:40

Yosë anitotërincoso chachin noꞌtëquën shaꞌhuitopiranquëmahuëꞌ, yatëparamaco. Apraansoꞌ co ina pochin yonquirinhuëꞌ. Yosë nanamën noya natërin.

2 Corintios 1:18

Yosë niꞌsárinco noꞌtëquën nontëranquëmaꞌ. Yosë noꞌtëquënáchin nonin niꞌton, cantaꞌ co nonpintëranquëmahuëꞌ. Co nisha nisha nonahuëꞌ.