Juan 8:25 - Chayahuita (Shahui)

²⁵ Napohuachina: —¿Inquëntaꞌ quëmasoꞌ? itopi. —Nani iráca quëran huarëꞌ shaꞌhuitëranquëmaꞌ. Ca inaco tënahuë.

Juan 8:25 ပူးပေါင်းရင်းမြစ်များ

Lucas 22:67

—Quëmasoꞌ Cristo Yosë aꞌpaimarinquënsoꞌ nipatan, noꞌtëquën shaꞌhuitocoi nitochii, itopi. —Shaꞌhuitohuatënquëmaꞌ, co natëaramacohuëꞌ.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 1:22

—¿Inquëntaꞌ quëmasoꞌ nipachin? Shaꞌhuitocoi huaꞌanoꞌsaꞌ shaꞌhuitontaꞌii. ¿Maꞌmarëtaꞌ pënëntaran? itaantapi.

Juan 10:24

Naꞌa cotioroꞌsaꞌ canquirahuatonaꞌ, Quisoso ahuancanapipi. —Naꞌaroꞌ natanpirainquënhuëꞌ, ¿onporo huarëtaꞌ shaꞌhuitaponcoi? Quëmasoꞌ Cristonquën nipatan, noꞌtëquën shaꞌhuitocoi nitochii, itopi.

Juan 19:9

Yaꞌcoantarahuaton, Quisoso itapon: —¿Intohua quërantaꞌ huëꞌnan? Noꞌtëquën shaꞌhuitoco, itërin. Inariso nipirinhuëꞌ, co mantaꞌ itërinhuëꞌ.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Juan 8:24

Napoaton napotëranquëmaꞌ. Caso iráca quëran huarëꞌ yaꞌhuato, yaꞌhuëmiatarahuë. Co natëhuatamacohuëꞌ, oshanëmarëꞌquëma chachin chiminaramaꞌ, itërin.

Juan 8:26

Canpitaso co noyahuëꞌ ninama niꞌton, naꞌcon shaꞌhuitaꞌhuanquëmaso yaꞌhuërin. Aꞌpaimarincosoꞌ noꞌtëquënáchin nonin. Ina shaꞌhuitohuachincora natanato, ina chachin shaꞌhuitaranquëmaꞌ, tënin.