Juan 8:11 - Chayahuita (Shahui)

¹¹ —Nani paꞌpi Sinioro, itërin. —Co carinquëontaꞌ yaanaꞌintëranquënhuëꞌ. Paaton, ama huachi aquëtëꞌ oshahuaantaquësohuëꞌ. Noya niquë huachi, itërin. Napotohuachina, paꞌnin.]

Juan 8:11 ပူးပေါင်းရင်းမြစ်များ

Isaías 55:6

Siniorosoꞌ, co áquë patërinpoahuëꞌ. Yonipatëhua quënanarihuaꞌ. Nontohuatëhuaꞌ, natanarinpoaꞌ.

Lucas 13:3

Co inapita naꞌcon naꞌcon oshahuanpihuëꞌ. Canpitantaꞌ co noyahuëꞌ yonquiramaꞌ. Co ina naniantohuatamahuëꞌ, anaꞌintarinquëmaꞌ. Chiminatomaꞌ, parisitomiataramaꞌ.

Lucas 15:10

Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 15:32

Iyaꞌhuaso nipirinhuëꞌ, nani huënantarin. Chimininso pochin niponahuëꞌ, yaꞌnoantarin. Ayatërëso pochin nitopirëhuahuëꞌ, niantarëhuaꞌ. Ina marëꞌ noya cancantacasoꞌ yaꞌhuërin,’ itërin paꞌpini,” tënin Quisoso.

Lucas 15:7

Inapochachin Yosë niꞌninpoaꞌ. Noya piyapi yaꞌhuëhuachin, Yosëri noya niꞌsarin. Nipirinhuëꞌ, oshahuanoꞌsantaꞌ nosororin. Aꞌnaya tërantaꞌ co noyahuëꞌ yonquirinsoꞌ naniantohuachin, Yosë yaꞌhuërinquëntaꞌ capa cancantomiatapi,” itërin Quisosori.

Lucas 5:32

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë tahuërëtantacoꞌ,” itërahuë. Aꞌnapitasoꞌ: “Quiyasoꞌ noyacoi,” topiso marëꞌ co naꞌcon aꞌchintërahuëꞌ, itërin.

Lucas 9:56

Ina quëran aꞌna ninanoquë paantarin.

Juan 18:36

—Co casoꞌ isoroꞌpaquë huaꞌanëntarahuëꞌ. Ina nohuantërahuë naporini, imarinacosopita sontaroꞌsa pochin niitonahuëꞌ. Ama cotioroꞌsaꞌ macainacoso marëhuëꞌ chiníquën ahuëchitonahuëꞌ. Caso nipirinhuëꞌ nisha pochin huaꞌanëntarahuë, itërin.

Juan 3:17

Co anaꞌintinpoaso marëꞌ huiꞌnin aꞌpaimarinhuëꞌ. Nichaꞌëinpoaso marëꞌ aꞌpaimarin. Huiꞌnin quëran chaꞌërihuaꞌ.

Juan 5:14

Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

Juan 8:15

Canpitasoꞌ piyapiꞌsaꞌ inahuara yonquipiso pochin napoonin yonquirapitomaco shaꞌhuiramaꞌ. Caso nipirinhuëꞌ, co insonta ina pochin yonquirapito shaꞌhuirahuëꞌ.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

1 Corintios 5:12

Co Yosë imapisopitasohuëꞌ co canpoari anaꞌintacasoꞌ yaꞌhuërinhuëꞌ. Tananpitahuaꞌ Yosëri anaꞌinchin. Imarëhua capiniso nipirinhuëꞌ nipënëahuanꞌ noya yonquicaso marëꞌ. Co noyahuëꞌ ninaꞌpi, niyontonama quëran ocoicoꞌ, tënahuë.

2 Pedro 3:15

Nosoroatonpoaꞌ, huaꞌquiꞌ Sinioro ninararin naꞌcon naꞌcon piyapiꞌsari natëcaiso marëꞌ. Ina quëran inapitantaꞌ nichaꞌësarin. Ama ina naniantocosohuëꞌ. Inachachin iya Paonontaꞌ ninshitërinquëmaꞌ. Inasoꞌ iyanpoa pochin niꞌnëhuaꞌ. Yosë nohuanton, noꞌtëquën nitotaton, ninshitërin.