Juan 7:52 - Chayahuita (Shahui)

⁵² —¿Quëmantaꞌ Cariria parti quëran huëꞌnan? Yosë quiricanën nontëquëꞌ. Pënëntonaꞌpi co onporontaꞌ Cariria quëran huëcaponhuëꞌ, itopi. [

Juan 7:52 ပူးပေါင်းရင်းမြစ်များ

Génesis 19:9

Inapitariso nipirinhuëꞌ, itaponaꞌ: —¡Poꞌshaquë quëmasoꞌ! Nisha piyapinquën niponahuëꞌ, ¿yacamairancoi ti? ¡Iporaso huachi inapita quëran naꞌcon naꞌcon, quëma nitarainquën! itopi. Napotatonaꞌ, Noto ahuërapi. Pëinën yaꞌcoanantaꞌ, yapaparapitopi huachi.

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Éxodo 2:14

Napotopirinhuëꞌ, ahuëtonaꞌpiriso itapon: —¡Co insonta camaiancoso marëꞌ nanan quëtërinquënhuëꞌ! Co coisë pochin nicamaso yaꞌhuërinhuëꞌ. Iꞌhuara Iquipito quëmapi tëparanso pochin ¿ca yaꞌhuërëꞌ yatëpaantamaranco ti? itërin. Ina natanahuaton, Moisësë paꞌyanin: “Iquipito quëmapi tëparahuësoꞌ nani yaꞌipi nitotopi,” tënin yonquinënquë.

Juan 1:46

—Nasaritoroꞌsasoꞌ, paꞌpi co noya piyapiꞌsahuëꞌ. ¿Aꞌna tërantaꞌ taꞌmaꞌ inaquë yaꞌhuërinsoꞌ noya nihuan nica? tënin Natanino. —Huëquëꞌ paꞌa nohuitonquëꞌ, itërin Pinipiri.

Juan 5:39

Yosë quiricanën naꞌcon nontëramaꞌ. ‘Ina nontohuatëhuaꞌ, nanpimiatacaiso marëꞌ anitotarinpoaꞌ,’ tënamaꞌ. Napopiramahuëꞌ, co tëhuënchachin natëramahuëꞌ. Ina quiricaquë chachin ninorinaco.

Juan 7:41

—Cristo mini tënahuë, tënin aꞌnaquën. —Co inahuëꞌ nimara. Cristo naporini co Cariria parti quëran huëꞌitonhuëꞌ.

Juan 7:53

Ina quëran piyapiꞌsaꞌ yanquëërahuatonaꞌ, yaꞌhuëpiꞌpaꞌ paantapi.

Juan 9:34

—Quëmasoꞌ huaꞌhuatapon quëran huarëꞌ oshahuanaponahuëꞌ, ¿yaaꞌchintërancoi ti? itopi. Ina quëran ocoirahuatonaꞌ, aꞌpapi huachi.