Juan 7:48 - Chayahuita (Shahui)

⁴⁸ Niꞌcochi. Co inso huaꞌanoꞌsari tërantaꞌ ina natërinhuëꞌ. Parisioroꞌsacointaꞌ co natëraihuëꞌ.

Juan 7:48 ပူးပေါင်းရင်းမြစ်များ

Mateo 11:25

Naporoꞌ noya cancantaton, Yosë nontërin: “¡Ma noyacha Tata yonquiran paya! Quëmasoꞌ chini chiníquën nanantëran. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntëran. Aꞌnaquën Tata nani maꞌsha nitotaponaraihuëꞌ: ‘Quiyaora noya noya nitotarai,’ topiso marëꞌ, co nanamën anitotëranhuëꞌ. Imarinacosopitaso nipirinhuëꞌ, co onpopinchin nitotaponaraihuëꞌ: ‘Catahuaco Sinioro co caora nanitërahuëꞌ,’ topachinara, quëma nanamën chachin anitotëran. Ina marë: ‘Yosparinquën,’ itëranquën.

Lucas 23:13

Ina quëran Piratori piyapiꞌsaꞌ amatërin. Corto huaꞌanoꞌsaꞌ, cotio huaꞌanoꞌsaꞌ, inapitantaꞌ ayontonahuaton, itërin:

Juan 12:42

Napoaponahuëꞌ, naꞌamiachin cotioroꞌsaꞌ huaꞌanoꞌsanënpitarë chachin natëpi. Napopirinahuëꞌ, parisioroꞌsaꞌ tëꞌhuatatonaꞌ, co aꞌninquëchin shaꞌhuipihuëꞌ. “Niyontonpiso pëiroꞌsa quëran ocoihuachinënpoaꞌ,” taꞌtonaꞌ, taꞌtápi.

Juan 3:1

Tashiꞌ nisahuasoꞌ, aꞌna quëmapi huëꞌnin Quisoso nontacaso marëꞌ, Nicotimo itopisoꞌ. Cotio huaꞌan inasoꞌ. Parisio niponahuëꞌ, Quisoso nontiirin. —Maistro, Yosë aꞌpairinquën aꞌchintancoiso marëꞌ. Sacaiꞌ nininsopita nicaton, Yosë pochin ninan. Napoaton ina aꞌpairinquën, tënai. Co Yosë catahuarinquënhuëꞌ naporini, co quëma nanitapaitonhuëꞌ, itiirin.

Juan 7:26

Niꞌcochi. Aꞌninquëchin aꞌchinapirinhuëꞌ, co incari tërantaꞌ noꞌhuirinhuëꞌ. Huaꞌanoꞌsarintaꞌ natëtonaꞌ: “Inasoꞌ Cristo, Yosëri aꞌpaimarinsoꞌ,” ¿tomarai huachi ti? nitopi.

Juan 7:49

Topinan piyapiꞌsariachin natëpirinahuëꞌ, inapitasoꞌ co Moisësë pënëntërinsoꞌ nitotopihuëꞌ niꞌton, Yosëri anaꞌintarin, tënai, itopi.

Juan 7:50

Nicotimontaꞌ inaquë yaꞌhuërin, iꞌhuapoꞌ tashiꞌ Quisoso nicapon paꞌninsoꞌ. Inantaꞌ cotio huaꞌan niꞌton, itapon:

Hechos 6:7

Ina quëran caꞌtanoꞌsaꞌ nani tahuëri pënëntapi. Yosë nanamën aꞌchinapi. Aquë aquëtëꞌ nahuinin. Quirosarinquë naꞌcon naꞌcon piyapiꞌsaꞌ imasapi. Naꞌa corto huaꞌanoꞌsantaꞌ Quisoso nanamën natëpi.

1 Corintios 1:20

Aꞌnaquën inahuara yonquinëna quëran nani maꞌsha nitotopi. Aꞌnaquëntaꞌ nitoaꞌchinapi. Aꞌnaquëontaꞌ míso nonpi. Inapopirinahuëꞌ, ¿maꞌtaꞌ ina marëꞌ canapi? Co mantaꞌ canapihuëꞌ. “Co nanamëhuë imatomahuëꞌ, napoonin yonquiramaꞌ,” itërin Yosëri.

1 Corintios 2:8

Huaꞌanoꞌsasoꞌ co nitotopihuëꞌ. Nitotopi naporini, co Quisocristo tëpaꞌitonahuëꞌ. Inasoꞌ Yosë chachin. Noya noya nipirinhuëꞌ, tëpapi.