Juan 7:15 - Chayahuita (Shahui)

¹⁵ Cotioroꞌsaꞌ natanahuatonaꞌ, paꞌyanpi. —¿Onporahuatontaꞌ iso quëmapi co naꞌcon quirica nitotaponahuëꞌ, noyá nitotërin? topi.

Juan 7:15 ပူးပေါင်းရင်းမြစ်များ

Mateo 13:54

Yaꞌhuërinquë chachin paantarahuaton, niyontonpiso pëiquë aꞌchintarin. Piyapiꞌsaꞌ natanahuatonaꞌ, nisha nisha yonquiatonaꞌ, ninontopi. —¡Maꞌpítacha nitotërin paya! ¿Macarisoꞌ aꞌchintomara? Piyapiꞌsaꞌ aꞌnaroáchin anoyatërin. ¿Onporahuatoncha nani maꞌsha nanitaparin nicaya?

Mateo 22:22

Natanahuatonaꞌ, paꞌyanpi. “¡Ma noyacha aꞌpanirinpoa paya!” taꞌtonaꞌ, patopi huachi.

Mateo 22:33

Piyapiꞌsaꞌ ina natanahuatonaꞌ, paꞌyanpi. “¡Ma noyacha aꞌchintërinpoa paya!” topi.

Lucas 2:47

Naꞌa piyapiꞌsaꞌ natanpi. “Ma noyacha yonquirin paya. Nóya aꞌpanitërin,” topi.

Lucas 4:22

Yaꞌipiya natantapi. “Maꞌpítacha nitotaton, naporin paya. Nóya aꞌchintërinpoaꞌ,” taꞌtonaꞌ: —¿Coꞌna isoꞌ Cosi huiꞌninhuëꞌ? topi.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 7:11

Inaquë cotioroꞌsari yonisápirinahuëꞌ. —¿Intohuataꞌ Quisoso ipora? tosapi.

Juan 7:13

Napopirinahuëꞌ, huaꞌanoꞌsaꞌ tëꞌhuatatonaꞌ, poꞌoana quëran ninontopi.

Juan 7:46

—¡Co insontaꞌ ina pochin aꞌchinchininhuëꞌ! itopi.

Hechos 26:24

Ina pochin nontahuachina, Pistori chiníquën itërin: —¡Paono, quëmasoꞌ huaꞌyantëran! Naꞌcon quirica nontaton huaꞌyantëran, itërin.

Hechos 4:13

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

1 Samuel 10:11

Aꞌnapita pënëntonaꞌpiroꞌsarëꞌ, Saonoso Yosë yonquirinso shaꞌhuirarin niꞌpi. Ina niꞌsahuatonaꞌ, nohuitopisopitari inahua capini ninontopi: “¡Niꞌcochi Quisi huiꞌnionta naporarin! ¡Saononta pënëntonaꞌpichi paya!” nitopi.