Juan 7:12 - Chayahuita (Shahui)

¹² Nisha nisha yonquiatonaꞌ, ninontopi. “Inasoꞌ noya quëmapi,” topi aꞌnaquën. Aꞌnapitaso nipirinhuëꞌ taponaꞌ: “Co noyahuëꞌ. Yanonpintërinpoaꞌ,” topi.

Juan 7:12 ပူးပေါင်းရင်းမြစ်များ

Mateo 10:25

Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 21:46

Noꞌhuitonaꞌ tashinan pëiquë yapoꞌmopirinahuëꞌ, piyapiꞌsaꞌ tëꞌhuatatonaꞌ, co mapihuëꞌ. Notohuaroꞌ piyapiꞌsaꞌ Quisoso noya natanpi. “Yosëri chachin acorin pënëinpoaso marëꞌ,” topi. Napoaton cotio huaꞌanoꞌsaꞌ co nanitopihuëꞌ Quisoso macacaisoꞌ.

Mateo 27:63

—Sinioro huaꞌan, Quisosocosoꞌ nonpintëꞌ, tënai. Nani yonquirai. Coꞌhuara chimiyantëraponhuëꞌ, piyapiꞌsaꞌ shaꞌhuitërin. “Tëpahuachinaco, cara tahuëri quëran nanpiantarahuë,” toconin.

Lucas 18:19

—¿Maꞌmarëtaꞌ “Quëmasoꞌ noyanquën” itëranco? Yosëíchin noyasoꞌ.

Lucas 23:47

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.

Lucas 23:50

Aꞌna cotio huaꞌan yaꞌhuërin, Arimatiaquë yaꞌhuërinsoꞌ. Cosi itopi. Cotio huaꞌan niponahuëꞌ, noya quëmapi. Yosë noꞌtëquën chinotërin. “Aꞌna tahuëri Yosë acorinsoꞌ isoroꞌpaquë huaꞌanëntapon,” taꞌton, Yosë chinotërin. Aꞌnapitari Quisoso yatëpahuachinara, “Ama tëpacosohuëꞌ,” itopirinhuëꞌ, co yanatëpihuëꞌ.

Lucas 6:45

Inapochachin piyapiꞌsaꞌ nipi. Noya yonquihuachinara, noya nipi. Co noyahuëꞌ yonquihuachinara, co noyahuëꞌ nipi. Maꞌsona yonquihuachinara, ina chachin nonpi,” itërin.

Lucas 7:16

Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Juan 6:14

Ina nápo piyapiꞌsaꞌ capacaiso marëꞌ cosharoꞌ anaꞌatërinsoꞌ niꞌsahuatonaꞌ, piyapiꞌsaꞌ ninontopi: —Tëhuënchachin iso quëmapi Yosëri aꞌpaimarin. Pënëinpoaso marëꞌ aꞌpaimacaso shaꞌhuirinso chachin, nani oꞌmarin, nitopi.

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

Juan 7:47

Ina quëran parisioroꞌsari itaponaꞌ: —Nani nonpintërinquëmaꞌ niꞌton, ¿canpitantaꞌ natëramaꞌ paꞌ?

Juan 7:52

—¿Quëmantaꞌ Cariria parti quëran huëꞌnan? Yosë quiricanën nontëquëꞌ. Pënëntonaꞌpi co onporontaꞌ Cariria quëran huëcaponhuëꞌ, itopi. [

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.

Romanos 5:7

Niꞌcoꞌ. Piyapi noya niponahuëꞌ, co insontaꞌ yaꞌhuërënamën chiminacasoꞌ nohuantërinhuëꞌ. Noya noya nipachin, nichaꞌëcaso marëꞌ aꞌnaraꞌ yaꞌhuërëtapon nimara.

Filipenses 2:14

Noya ninicatomaꞌ iyaroꞌsaꞌ yaꞌhuëcoꞌ. Ama ninoꞌhuicosohuëꞌ. Maꞌsona tërantaꞌ nipatamaꞌ, noya cancantatomaꞌ, nicoꞌ.