Juan 7:10 - Chayahuita (Shahui)

¹⁰ Iinpita nani paꞌpachinara, Quisosontaꞌ paꞌnin niyontonpiso tahuëri naꞌhuëcaso marëꞌ. Paꞌpirinhuëꞌ, co piyapiꞌsaꞌ niꞌtërantapaquë paꞌninhuëꞌ. Poꞌoana quëran pochin paꞌnin.

Juan 7:10 ပူးပေါင်းရင်းမြစ်များ

Salmos 40:8

Quëma nohuantëranso chachin nohuantërahuë nicaꞌhuasoꞌ. Pënëntëransoꞌ, cancanëhuë quëran yonquirárahuë.

Amós 5:13

Ipora yaꞌhuëpisopita, paꞌpi co noyahuëꞌ nipi. Napoaton yonquinahuanoꞌsasoꞌ, co manta topihuëꞌ.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Mateo 12:46

Piyapiꞌsaꞌ nontasoꞌ, aꞌshin, iinpita, inapita huëꞌpi. Quisoso yanontopirinahuëꞌ, naꞌa piyapiꞌsaꞌ yamorapi niꞌton, co nanitopihuëꞌ yaꞌconacaisoꞌ. Aipiran huaniápirinahuëꞌ,

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Marcos 3:21

Quisoso quëmopinënpitari natantahuatonaꞌ, “Nani huaꞌyantërin,” topi. Napoaton Quisoso quëpacaiso marëꞌ huëcapaipirinahuëꞌ.

Juan 11:54

Napoaton Quisoso co huachi nohuantërinhuëꞌ aꞌninquëchin cotio ninanoroꞌsaquë paacasoꞌ. Inotëro parti pirayan paaton, Iprainquë yacapatarin. Inaquë caꞌtanoꞌsanënpitacointaꞌ yacapatonai.

Juan 7:3

Napoaton iinpitari itaponaꞌ: —Quëmantaꞌ Cotia parti paaton, Yosë pochin niquëꞌ imarinënquënsopita niꞌinaꞌ.

Juan 7:5

Co iinpitari tërantaꞌ natëyátërapihuëꞌ niꞌton, napotopi. Inapita nontaton, itapon:

Juan 7:9

Ina tosahuaton, ina quëranchin yaꞌhuërarin.

Gálatas 4:4

Ina quëran tahuërinën nanihuachina, Yosëri huiꞌnin aꞌpaimarin. Sanapi quëran nasitaton, piyapi chachin ninin. Cotio quëmapi niꞌton, iráca pënëntërinsoꞌ natëcasoꞌ yaꞌhuërin.