Juan 6:9 - Chayahuita (Shahui)

⁹ —Isëquë aꞌna quëmapiaꞌhua yaꞌhuërin. Aꞌnatërapoíchin pan nisahuaton, catoyachin sami yaꞌhuëtërin. Inaíchin nipirinhuëꞌ, ¿iso nápoꞌ piyapi taꞌmaꞌ nanitërëꞌpoya? itërin.

Juan 6:9 ပူးပေါင်းရင်းမြစ်များ

2 Reyes 7:1

Napotiihuachina, Irisiori itapon: —Sinioro naporinso shaꞌhuichinquën natanquëꞌ: “Tashiraya ipora pochin co huachi cosharo paꞌtarinhuëꞌ. Cara quiro tricoroꞌmo, sipataroꞌmonta saota quiro nipirinhuëꞌ, aꞌnaíchin coriqui prata quëran nininsoꞌ paꞌtapon. Iso ninano yaꞌcoanaquë ina nápo marëꞌ nipaꞌantaramaꞌ,” tënin, itërin.

Mateo 14:17

—Capa isëquë capacasoꞌ. Aꞌnatërapoíchin pan, catoíchin sami, inaíchin yaꞌhuëtërincoi, itopi.

Mateo 16:9

Aꞌchintápiranquëmahuëꞌ, ¿ipora huantaꞌ co yonquiramahuëꞌ ti? Yonquicoꞌ iyaroꞌsaꞌ. Iꞌhua chachin aꞌnatërápo painchin nipirinhuëꞌ aꞌnatërápo huaranca piyapi ananitërahuë. ¿Ina naniantëramaꞌ ti? Naporoꞌ pëꞌsotopisoꞌ shonca catoꞌ iꞌmëꞌ mëntatëramaꞌ.

Marcos 6:38

—¿Onpo pantaꞌ yaꞌhuëtërinquëmaꞌ? Paatomaꞌ, niꞌconcoꞌ, itërin. Paꞌsahuatonaꞌ, niꞌconpi. —Aꞌnatërapoya pan, catoyachin sami, inaíchin yaꞌhuëtërincoi, itiipi.

Marcos 8:19

Iꞌhua chachin aꞌnatërapoíchin pan nipirinhuëꞌ, aꞌnatërápo huaranca piyapiꞌsaꞌ ananitërahuë. ¿Onpo iꞌmëtaꞌ naporoꞌ pëꞌsotopisoꞌ amëntatëramaꞌ? itërin. —Shonca catoꞌ iꞌmëꞌ, itopi.

Lucas 9:13

—Canpitari aꞌcacoꞌ, itërin Quisosori. —Capa isëquë capacasoꞌ. Aꞌnatërapoya pan, catoya sami, inaíchin yaꞌhuëtërincoi. Notohuaro piyapiꞌsaꞌ yaꞌhuërin. Quiya paꞌanahuatoi, ¿ina nápoꞌ yaꞌpi aꞌcaꞌii ti? itopi.

Juan 11:21

Quisoso nacapirahuaton, Martari itapon: —Iꞌhua Sinioro isëquë yaꞌhuëran naporini, co yoꞌyohuë chimiintonhuëꞌ.

Juan 11:32

Mariasoꞌ Quisosoquë canconahuaton, nantën pirayan isonconin. —Iꞌhua Sinioro isëquë yaꞌhuëran naporini, yoꞌyohuë co chimiintonhuëꞌ, itërin.

Juan 21:10

—Sami manamasoꞌ caraya mamacoꞌ, itërincoi Quisoso.

Juan 21:13

Pan masahuaton, quëtërincoi. Samintaꞌ quëtërincoi caꞌnai.

Juan 21:9

Nonshiconahuatoi, pën quënanconai. Inaquë sami chinsarin, niꞌconai. Paontaꞌ yaꞌhuërin.

Juan 6:11

Quisosori aꞌnatërapoya pan masahuaton, Yosë nontërin. “Yosparinquën, Tata,” itahuaton, piyapiꞌsaꞌ quëtërin capacaiso marëꞌ. Samirë chachin quëtëraꞌpiarai. Yaꞌipi piyapiꞌsaꞌ natëaquë huarëꞌ coshatopi.

Juan 6:7

—Cato pasa tahuëri sacatatëꞌ canarësoquë paꞌanpirëhuahuëꞌ, co iso nápo piyapiꞌsaꞌ naniitonahuëꞌ, itërin Pinipiri.

2 Corintios 8:9

Sinioro Quisocristo nosoroatonpoaꞌ, catahuarinpoasoꞌ nani nitotëramaꞌ. Iráca noya noya inápaquë yaꞌhuëpirinhuëꞌ, isoroꞌpaquë oꞌmarin nichaꞌëinquëmaso marëꞌ. Co mantaꞌ isëquë yaꞌhuëtërinhuëꞌ. Parisitërin quëran nichaꞌërinquemaꞌ noya noya cancantacaso marëꞌ. Parisitaton, naꞌcon catahuarinquëmaꞌ.

Deuteronomio 32:14

Pëꞌtahuanënpoa quëraontaꞌ, shoꞌshoiꞌ ocoirëhuaꞌ. Ocoiatëhua atachirotërëhuaꞌ. Noya noya carniroaꞌhuaroꞌsa caꞌnëhuaꞌ. Carniroroꞌsaꞌ, chipo mashoroꞌsaꞌ, inapita Pasan parti yaꞌhuërinsoꞌ, caꞌnëhuaꞌ. Noya noya trico nininsoꞌ caꞌnëhuaꞌ. Noya noya opa quëran huino nipisoꞌ, oꞌorëhuaꞌ.

Deuteronomio 8:8

Trico, sipata, inapita noya noyatërin. Oparoroꞌsaꞌ, iquiraroroꞌsaꞌ, inapita yaꞌhuërin. Cranata huayoroꞌsaꞌ, oripo nararoꞌsaꞌ, inapitanta noyatërin. Ninointa co pahuaninhuëꞌ.

Apocalipsis 6:6

Naporoꞌ catapini maꞌsharoꞌsaꞌ huancánachin, noninsoꞌ natanahuë: —Yaꞌipi cosharoꞌ naꞌcon paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, aꞌna quiroichin trico paꞌanapi. Inapochachin aꞌna cosharontaꞌ pahuanarin. Sipatasoꞌ trico pochin niponahuëꞌ, co ina pochin paꞌtopirinhuëꞌ, inantaꞌ paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, cara quiroichin paꞌanapi. Tomaꞌ, huino, inapitantaꞌ pahuanarin. Niꞌcona chiniatamaꞌ, tënin.