Juan 6:70 - Chayahuita (Shahui)

⁷⁰ —Shonca catonquëmaꞌ acoranquëmaꞌ imacamacoso marëꞌ. Aꞌnaëmaso nipirinhuëꞌ, sopai pochin cancantërin, itërincoi.

Juan 6:70 ပူးပေါင်းရင်းမြစ်များ

Juan 13:18

“Co yaꞌipinquëmaꞌ noya cancantëramahuëꞌ. Shonca catoyaꞌpinquëmaꞌ huayonanquëmaꞌ caꞌtanamacoso marëꞌ. Yaꞌipinquëmaꞌ noyá nohuitëranquëmaꞌ. Yosë quiricanënquë iráca naporin: ‘Aꞌnaraꞌ carëꞌ coshataponahuëꞌ, inimicotarinco,’ tënin. Ipora huarëꞌ ina pochin nisarin.

Juan 13:2

Inaroꞌcoi coshatarai. Sopai huaꞌani nani Cotasë ayonquirin Quisoso shaꞌhuirapicaso marëꞌ. Simon Iscarioti huiꞌnin inasoꞌ.

Juan 13:21

Naporoꞌ Quisoso sëtërin. Chiníquën sëtaton, co napion cancantërin. —Noꞌtëquën shaꞌhuitëranquëmaꞌ. Shonca catonquëmaꞌ caꞌtanpiramacohuëꞌ, aꞌnayanquëmaꞌ shaꞌhuirapiarinco, itërincoi.

Juan 13:27

Ina maꞌpahuachina, sopairi yaꞌcoancantërin huachi. Naporoꞌ Quisosori itapon: —Maꞌsona yaninansoꞌ manóton niquëꞌ, itërin.

Juan 15:16

Co canpitaora nohuanton imaramacohuëꞌ. Ca nohuanto, imaramaco. Carinquëmaꞌ huayonanquëmaꞌ. Nani acoranquëma opa sëꞌpaquën naꞌcon nitërinso pochin nisápamaso marëꞌ. Inapohuatamaꞌ: ‘Quisoso nanan quëtërinco,’ taꞌtomaꞌ, Yosë nontocoꞌ catahuainquëmaꞌ. Ca pochin yonquiatomaꞌ, maꞌsona nipatamaꞌ, acochinquëmaꞌ.

Juan 15:19

Inapita pochin cancantëramaꞌ naporini, noya niꞌitënënquëmahuëꞌ. Inahua capiniráchin nipaꞌyatopi. Nipirinhuëꞌ, nani huayonanquëmaꞌ. Ca nohuanto, co inapita pochin cancantëramahuëꞌ. Imaramaco niꞌton, noꞌhuiarinënquëmaꞌ.

Juan 17:12

Inapitaroꞌco yaꞌhuasoco, quëma nanamën aꞌchintërahuë, pënënahuë, naꞌcon catahuarahuë imamiatinacoso marëꞌ. Noya aꞌpairahuë. Co aꞌnaya tërantaꞌ aꞌpoarinacohuëꞌ. Aꞌnaíchin pipirin, parisitopiquë pacacasoꞌ yaꞌhuërinsoꞌ. Quëma quiricanënquë ninoranso chachin nanirin.

Juan 2:2

Quisosontaꞌ amatopi. Paꞌnin inantaꞌ niꞌtapon. Caꞌtanoꞌsanënpitacointaꞌ amatërinacoi.

Juan 20:24

Naporoꞌ shoncayáchincoi yaꞌhuërai. Tomasësoꞌ co yaꞌhuërinhuëꞌ. Inasoꞌ: “Catopiaꞌhua,” itopi.

Juan 6:64

Nipirinhuëꞌ, aꞌnaquëmaꞌ co natëramacohuëꞌ, itërin. Iráca quëran huarëꞌ yaꞌipi piyapiꞌsaꞌ yonquirinsopita nitotërin. Aꞌnaquën co yanatëtopihuëꞌ. Aꞌnantaꞌ yashaꞌhuirapirin. Inapita nitotaton, napotërin.

Juan 6:67

Napohuachinara, caꞌtanoꞌsanënpitacoi itaponcoi: —¿Co canpitasoꞌ aꞌpoapomacohuëꞌ to? itërincoi.

Juan 6:71

Simon huiꞌnin Cotasë Iscarioti itopiso yonquiaton, naporin. Inarintaꞌ caꞌtanpirinhuëꞌ, yashaꞌhuirapirin.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

Hechos 13:10

—Quëmasoꞌ sopai pochin cancantëran. Yosësoꞌ noya noya nipirinhuëꞌ, yainimicotëran. Tëhuënchachin nonpintënquën, paꞌpi co noya quëmapinquënhuëꞌ. Sinioro noꞌtëquën shaꞌhuitopirinpoahuëꞌ, ¿onpoatontaꞌ quëmari nonpintaton, aꞌnapita anishacancantaran?

1 Timoteo 3:11

Tiaconaroꞌsantaꞌ natëtonoꞌsaꞌ niinaꞌ. Ama maꞌtona maꞌtona noinasohuëꞌ. Ama pinochinasohuëꞌ. Ama noꞌpiinasohuëꞌ. Noyasáchin niinaꞌ.

Tito 2:3

Sanapiꞌsaꞌ payamiachin nipisopitantaꞌ aꞌchintëquëꞌ sano yonquiatonaꞌ yaꞌhuëꞌinaꞌ. Ama maꞌtona maꞌtona noinasohuëꞌ. Ama noꞌpicaisoꞌ paꞌyachinasohuëꞌ. Noya niinaꞌ aꞌnapita sanapiꞌsarintaꞌ nicatonaꞌ nonanacaiso marëꞌ. Naporahuatonaꞌ, noya nicacaisoꞌ aꞌchiinaꞌ.

1 Juan 3:8

Nani tahuëri co noyahuëꞌ nipatamaꞌ, sopai imaramaꞌ. Iráca quëran huarëꞌ sopai co noyahuëꞌ cancantaton, oshahuanin. Inasoꞌ nonpintohuachinpoaꞌ, canpoantaꞌ oshahuanarëhuaꞌ. Napoaton Yosë huiꞌnin oꞌmarin sopai minsëaton nichaꞌëinpoaso marëꞌ. Yaꞌipi oshanënpoaꞌ inquitohuachinpoaꞌ, co huachi sopai natëcasoꞌ yaꞌhuërinhuëꞌ.