Juan 6:60 - Chayahuita (Shahui)

⁶⁰ Naꞌa piyapiꞌsaꞌ Quisoso imasapirinahuëꞌ, ina nanan natanahuatonaꞌ aꞌnaquën nisha yonquipi. —Aꞌchininsoꞌ sacaiꞌ imacasoꞌ. ¿Incaricha nitotaton, natërëꞌpoya? nitopi.

Juan 6:60 ပူးပေါင်းရင်းမြစ်များ

Mateo 11:6

Insosona yaꞌipi cancanëna quëran natëmiatohuachinaco, nóya cancantapi, itërin Quisosori.

Juan 2:2

Quisosontaꞌ amatopi. Paꞌnin inantaꞌ niꞌtapon. Caꞌtanoꞌsanënpitacointaꞌ amatërinacoi.

Juan 5:25

Casoꞌ Yosë huiꞌninco. Iporaso huachi aꞌnaquën chimipi pochin nipisopita natanarinaco. Inapita noya natanpachinaco, Yosë anohuitarahuë. Ina nohuitohuachinaꞌ, nanpimiatapi.

Juan 6:52

Ina natanahuatonaꞌ, cotioroꞌsaꞌ nisha nisha ninontopi. —¿Onporahuatontaꞌ nonën chachin caꞌnëso pochin quëtërëꞌponpoa nicaya? nitopi.

Juan 6:64

Nipirinhuëꞌ, aꞌnaquëmaꞌ co natëramacohuëꞌ, itërin. Iráca quëran huarëꞌ yaꞌipi piyapiꞌsaꞌ yonquirinsopita nitotërin. Aꞌnaquën co yanatëtopihuëꞌ. Aꞌnantaꞌ yashaꞌhuirapirin. Inapita nitotaton, napotërin.

Juan 6:66

Naporo quëran huarëꞌ naꞌamiáchin co huachi imapihuëꞌ. Aꞌpopi huachi.

Juan 7:3

Napoaton iinpitari itaponaꞌ: —Quëmantaꞌ Cotia parti paaton, Yosë pochin niquëꞌ imarinënquënsopita niꞌinaꞌ.

Juan 8:31

Ina quëran nasha imarinsopita itantarin: —Carinquëmaꞌ aꞌchintëranquëmasoꞌ noya natëhuatamaꞌ, noya imasaramaco.

Juan 8:43

Aꞌchintopiranquëmahuëꞌ, ¿onpoatomataꞌ co natanamacohuëꞌ? Co natëtochináchinhuëꞌ cancantëramaꞌ niꞌton, co nanitëramahuëꞌ natanamacosoꞌ tënahuë.

Hebreos 5:11

Iráca ninopisoꞌ naꞌcon yaaꞌchintopiranquëmahuëꞌ. Co natantochináchinhuëꞌ cancantatomaꞌ, co yanatantëramahuëꞌ niꞌton, sacaiꞌ aꞌchintaꞌhuanquëmasoꞌ.

2 Pedro 3:16

Naꞌa quirica ninshitaton, nisha nisha ninanoquë yaꞌhuëpisopita aꞌpatërin. Noya pënënpirinpoahuëꞌ, piꞌpian sacaiꞌ yonquicasoꞌ. Aꞌnaquën piyapi co Yosë nanamën nitotatonahuëꞌ, nisha nisha yonquipi. Paono ninshitërinsoꞌ nontopirinahuëꞌ, co noya yonquiatonaraihuëꞌ, maꞌsona tapon naporinsoꞌ anishatopi. Yosë quiricanën iráca ninshitopisontaꞌ anishatopi. Ina marëꞌ Yosëri chiníquën anaꞌintarin huachi.