Juan 6:56 - Chayahuita (Shahui)

⁵⁶ Tëhuënchachin nonëhuë caꞌnëso pochin nipatamaꞌ, huënainëhuëntaꞌ oꞌorëso pochin nipatamaꞌ, yaꞌcoancantaranquëmaꞌ niꞌton, imamiataramaco.

Juan 6:56 ပူးပေါင်းရင်းမြစ်များ

Salmos 90:1

Sinioro quëmasoꞌ paꞌpoyarancoi. Iráca quëran huarëꞌ aꞌpairancoi.

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Salmos 91:9

Canpoasoꞌ, Sinioro chachin paꞌpoyainpoaso marëꞌ acorëhuaꞌ. Chini chiníquën nanantërinsoꞌ nontërëhua niꞌton, co manta onpoarihuahuëꞌ. Co tiquito canio tëranta macainpoaso yaꞌhuërinhuëꞌ.

Juan 14:20

Nani nanpiantahuato, noya noya nohuitaramaco. Tëhuënchachin Tata Yosë pochin ninahuësoꞌ nitotaramaꞌ. Imamiataramaco niꞌton, canpitarëꞌco aꞌnaíchin pochin nisarahuë. Yaꞌcoancantaranquëmaꞌ niꞌton, nóya ninohuitarihuaꞌ.

Juan 14:23

Napotohuachina, Quisosori itërin: —Co yaꞌipi piyapiꞌsaꞌ nanitopihuëꞌ nohuitinacosoꞌ. Insosona nosorohuachinaco, natëarinaco. Natëhuachinaco, Tata Yosëri nosoroarin. Inaroꞌco yaꞌcoancantatoi, inaquë yaꞌhuëarai.

Juan 6:55

Nonëhuë cosharo pochin niꞌton, achinicancanaranquëmaꞌ. Huënainëhuë paꞌsarin niꞌton, imapatamaco, anoyacancantaranquëmaꞌ.

2 Corintios 6:16

Yosë chinotërëhuaquë noyasáchin nicacasoꞌ yaꞌhuërin. Co inaquësoꞌ mamanshi moshacasoꞌ yaꞌhuërinhuëꞌ. Inapochachin canpoantaꞌ Yosë imapatëhuaꞌ, yaꞌcoancantarinpoaꞌ niꞌton, ina pëinën pochin ninëhuaꞌ. Yosësoꞌ nanpiárin. Quiricanën quëran naporin: “Imapatamaco, yaꞌcoancantaranquëmaꞌ. Canpitaroꞌco yaꞌhuarahuë. Chinotohuatamaco, noya aꞌpaiaranquëmaꞌ. Piyapinëhuëpita pochin niꞌsaranquëmaꞌ,” tënin.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

1 Juan 2:24

Yaꞌnan imapomaꞌ, noꞌtëquën aꞌchintërainquëmaꞌ. Ina chachin imamiatocoꞌ. Ina imapatamaꞌ, cancanëma quëran Tata Yosë nohuitaramaꞌ. Huiꞌniontaꞌ noya nohuitarama huachi.

1 Juan 3:24

Yosë natëhuatëhuaꞌ, yonquirinsoráchin imasarihuaꞌ. Imapatëhuaꞌ, yaꞌcoancantomiatërinpoaꞌ. Ispirito Santo quëtërinpoaꞌ yaꞌcoancantinpoaso marëꞌ. Ina catahuahuachinpoaꞌ, noya nisarëhuaꞌ. Ina quëran Yosë nohuitërëhuasoꞌ nitotërëhuaꞌ.

1 Juan 4:12

Co inquënpoa tërantaꞌ Yosë quënanpirëhuahuëꞌ, noya ninosorohuatëhuaꞌ, Yosë nohuitarihuaꞌ, yaꞌcoancantomiatërinpoaꞌ. “Yosë naꞌcon nosororinpoaꞌ,” taꞌtëhuaꞌ, canpoantaꞌ noya noya ninosoroarihuaꞌ.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.