Juan 6:54 - Chayahuita (Shahui)

⁵⁴ Insosona nonëhuë caꞌnëso pochin nipachinaꞌ, huënainëhuëntaꞌ oꞌorëso pochin nipachinaꞌ, nanpimiatarin. Ayaroꞌ tahuëri ananpitaantarahuë.

Juan 6:54 ပူးပေါင်းရင်းမြစ်များ

Salmos 22:26

Aꞌnaquëmantaꞌ, aꞌnapita aparisitápirinënquëmahuëꞌ, noyá natëaquë huarëꞌ coshatoco huachi. Sinioro yoniramasopita huaꞌqui tahuëri nicatomaꞌ, ina chinotocoꞌ.

Juan 4:14

Nisha iꞌsha carinquën quëtaranquën. Ina yaꞌhuëtohuachinquën, co huachi yamororëso pochin cancantaranhuëꞌ. Niꞌquëꞌ. Pancaiꞌ noꞌpa quëran pipihuachina, noyápiachin pipirárin. Co onporontaꞌ yanimarinhuëꞌ. Inapochachin nanpirin iꞌsha quëtohuatënquën, cancanënquë chachin yaꞌhuëtarinquën. Inaquë yaꞌhuápon huachi. Yosë nohuitaton, nanpimiataran, itërin.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Juan 6:47

Noꞌtëquën shaꞌhuitëranquëmaꞌ. Imapatamaco, Yosë nohuitatomaꞌ nanpimiataramaꞌ.

Juan 6:55

Nonëhuë cosharo pochin niꞌton, achinicancanaranquëmaꞌ. Huënainëhuë paꞌsarin niꞌton, imapatamaco, anoyacancantaranquëmaꞌ.

Juan 6:63

Ispirito Santoráchin ananpimiatarinquëmaꞌ. Piyapiꞌsaꞌ inahuara co nanitapihuëꞌ. Yosë yonquirinso chachin shaꞌhuitëranquëmaꞌ. Ina natëhuatamaꞌ, Yosë nohuitatomaꞌ nanpimiataramaꞌ.

Gálatas 2:20

Quisocristo corosëquë chiminin. Ina imato, cantaꞌ corosëquë chiminahuëso pochin ninahuë. Iráca yonquirahuësoꞌ naniantërahuë. Napoaton co huachi oshahuanacaꞌhuasoꞌ yaꞌhuërinhuëꞌ. Iporasoꞌ Quisocristoíchin yonquirahuë. Co huachi caora nohuanto maꞌsha ninahuëꞌ. Quisocristo yaꞌcoancantërinco niꞌton, catahuarinco noya nicaꞌhuasoꞌ. ‘Nani tahuëri Yosë huiꞌnin chachin catahuarinco,’ taꞌto, noya cancantërahuë. Inasoꞌ paꞌpi nosororinco. Nosoroatonco, yaꞌhuërënamëhuë chiminin.