Juan 6:44 - Chayahuita (Shahui)

⁴⁴ Co insontaꞌ nanitërinhuëꞌ inaora nohuanton imaincosoꞌ. Tata Yosëri huayoninsopitaráchin imasarinaco. Ayaroꞌ tahuëri inapitasoꞌ ananpitaantararahuë.

Juan 6:44 ပူးပေါင်းရင်းမြစ်များ

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 16:17

—Ma noyacha iyasha Yosë catahuarinquën niꞌton, naporan. Napoaton noya cancantëran. Co quëmaora yonquinën quëran nitotëranhuëꞌ. Tata Yosë chachin anitotërinquën. Quëmasoꞌ Conasë huiꞌninquën. Simon itopirinënquënhuëꞌ,

Juan 12:32

Co huaꞌquiya quëranhuëꞌ inápaquë achinpiarinaco. Ina quëran nisha nisha piyapiꞌsaꞌ imasarinaco, itërin.

Juan 5:44

Canpita capini nipaꞌyatacasoráchin yonquiatomaꞌ, co Yosë noya nicainquëmasoꞌ yonquiramahuëꞌ. Napoaton co natëramacohuëꞌ.

Juan 6:43

—Ama huachi noꞌhuitomaco, sacaro quëran ninontocosohuëꞌ.

Juan 6:45

Pënëntonaꞌpiroꞌsaꞌ iráca ninshitopi. “Yaꞌipi piyapiꞌsaꞌ Yosëri aꞌchintarin,” topi, ninshitatonaꞌ. Tatahuë natanatomaꞌ natëhuatamaꞌ, imasaramaco.

Juan 6:65

Ina quëran itantarin: —Napoaton itaranquëmaꞌ. Co Yosëri anitotohuachinhuëꞌ, co insontaꞌ nanitarinhuëꞌ imaincosoꞌ, itërin.

Juan 8:43

Aꞌchintopiranquëmahuëꞌ, ¿onpoatomataꞌ co natanamacohuëꞌ? Co natëtochináchinhuëꞌ cancantëramaꞌ niꞌton, co nanitëramahuëꞌ natanamacosoꞌ tënahuë.

Filipenses 1:29

Yosë nosoroatonpoaꞌ, noyasáchin yonquirinpoaꞌ. Ina nohuanton, Quisocristo imarëhuaꞌ. Ina quëran imarëhuaso marëꞌ parisitarëhuaꞌ. “Ca marëꞌ chiníquën parisitërin niꞌton, cantaꞌ imarahuëso marëꞌ parisichi,” taꞌtëhuaꞌ, noya cancantahuaꞌ. Inantaꞌ Yosë nohuantërin.

Colosenses 2:12

Aporihuanpatëhuaꞌ, Quisocristo pochin ninëhuaꞌ. Chiminpachina, paꞌpitopirinahuëꞌ. Yosë nohuanton, nanpiantarin. Inapochachin canpoantaꞌ co noyahuëꞌ yonquirëhuasopita naniantarihuaꞌ. Ina quëran Quisocristo nanpiantarinso pochin ninëhuaꞌ. “Yosë yaꞌipiya nanitaparin,” topatëhuaꞌ, catahuarinpoaꞌ ina pochin nicacasoꞌ.