Juan 6:43 - Chayahuita (Shahui)

⁴³ —Ama huachi noꞌhuitomaco, sacaro quëran ninontocosohuëꞌ.

Juan 6:43 ပူးပေါင်းရင်းမြစ်များ

Mateo 16:8

Ninontopisoꞌ nitotaton, Quisosori itërin: —¿Onpoatontaꞌ “capa pan,” toconamaꞌ? Tëhuënchachin co noya natëyatëraramacohuëꞌ.

Marcos 9:33

Ina quëran Capinaomoquë canconpi. Pëiquë yaꞌconpachinara, caꞌtanoꞌsanënpita itapon: —¿Maꞌtaꞌ iraquë huëcapoma pochin ninontëriaramaꞌ? itohuachina,

Juan 16:19

Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 6:42

—Coꞌta inasoꞌ Quisoso. Cosi huiꞌnin. Aꞌshiontaꞌ nohuitërëhuaꞌ. ¿Onpoatontaꞌ “Inápa quëran oꞌmarahuë,” toconin? nitopi.

Juan 6:44

Co insontaꞌ nanitërinhuëꞌ inaora nohuanton imaincosoꞌ. Tata Yosëri huayoninsopitaráchin imasarinaco. Ayaroꞌ tahuëri inapitasoꞌ ananpitaantararahuë.

Juan 6:64

Nipirinhuëꞌ, aꞌnaquëmaꞌ co natëramacohuëꞌ, itërin. Iráca quëran huarëꞌ yaꞌipi piyapiꞌsaꞌ yonquirinsopita nitotërin. Aꞌnaquën co yanatëtopihuëꞌ. Aꞌnantaꞌ yashaꞌhuirapirin. Inapita nitotaton, napotërin.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.