Juan 6:35 - Chayahuita (Shahui)

³⁵ —Ca inaco. Casoꞌ cosharo pochinco niꞌto, piyapiꞌsaꞌ ananpitomiatarahuë. Imapatamaco, co huachi tanarëso pochin cancantaramahuëꞌ. Natëhuatamaco, co huachi yamororëso pochin cancantaramahuëꞌ. Yosë nohuitohuatamaꞌ, sano cancantaramaꞌ.

Juan 6:35 ပူးပေါင်းရင်းမြစ်များ

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Lucas 6:25

Iporasoꞌ noya coshatapiramahuëꞌ, ¡maꞌhuantacha nisarama paya! Aꞌna tahuërisoꞌ co mantaꞌ yaꞌhuëtarinquëmahuëꞌ. Iporasoꞌ capa cancantapiramahuëꞌ, ¡maꞌhuantacha nisarama paya! Aꞌna tahuërisoꞌ sëtatomaꞌ, naꞌnëaramaꞌ.

Juan 4:15

—Ina iꞌsha sinioro quëtoco ama yamoroto, iꞌsha masaꞌisohuëꞌ, itërin.

Juan 5:40

Noꞌtëquën ninopirinacohuëꞌ, co yaimaramacohuëꞌ. Ananpimiataꞌhuanquëmasoꞌ yaꞌhuëpirinhuëꞌ, co nohuantëramacohuëꞌ.

Juan 6:37

Aꞌnaquën Tata Yosë nohuanton, imasarinaco. Insosona imapachinaco, co onporontaꞌ aꞌpararahuëꞌ.

Juan 6:41

Ina natanahuatonaꞌ, cotioroꞌsari noꞌhuipi. “Casoꞌ cosharo pochin ninahuë. Inápa quëran oꞌmarahuë,” tëninso marëꞌ noꞌhuipi. Noꞌhuitonaꞌ, ninontapi.

Juan 6:65

Ina quëran itantarin: —Napoaton itaranquëmaꞌ. Co Yosëri anitotohuachinhuëꞌ, co insontaꞌ nanitarinhuëꞌ imaincosoꞌ, itërin.

Apocalipsis 22:17

Yaꞌipi Quisoso imarëhuasopita: “Oꞌmantaquëꞌ Sinioro,” itërëhuaꞌ. Ispirito Santontaꞌ, inachachin tënin. Natanamasopitantaꞌ, “Oꞌmantaquëꞌ Sinioro,” itocoꞌ. Yamororëso pochin cancantohuatamaꞌ, huëcoꞌ nanpirin iiꞌ quëchinquëmaꞌ. Achinirinpoaso pochin quëtarinquëmaꞌ noya cancantacamaso marëꞌ. Co mantaꞌ paꞌtërinhuëꞌ.

Apocalipsis 7:16

Co huachi tanaponahuëꞌ, co yamoroponahuëꞌ. Co piꞌiri picahuachin, parisitaponahuëꞌ. Noya yaꞌhuëintarapi.