Juan 6:32 - Chayahuita (Shahui)

³² —Noꞌtëquën itëranquëmaꞌ. Cosharoꞌ inápa quëran oꞌmarinsoꞌ co Moisësëri quëtërinhuëꞌ. Tata Yosëri quëtërinsoꞌ. Iporasoꞌ noya noya nininsoꞌ quëtarinquëmaꞌ.

Juan 6:32 ပူးပေါင်းရင်းမြစ်များ

Éxodo 16:4

Naporo Yosëri, Moisësë itapon: “Ca nohuanto cosharoꞌ, inápa quëran oꞌnan pochin anotimapon. Nani tahuëri paꞌsahuatonaꞌ, macacaiso yaꞌhuërin. Pëꞌyainpichin macaponaꞌ. Pancasomaria tahuëriso nipirinhuëꞌ, cato tahuëri marëꞌ machinaꞌinaꞌ. Inapotato inpitasona natërinacosoꞌ, inpitasona co yanatërinacosohuëꞌ, nohuitarahuë,” itërin.

Éxodo 16:8

Ina quëran Moisësë taantarin: —Iꞌhuanahuanquë Sinioro, nosha quëtarinquëma capamaso marëꞌ. Tashiramiachintaꞌ, huaꞌhuayátërahuë cosharo quëtarinquëmaꞌ. Nani nataninquëma pinoramaso niꞌton, napotarinquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itërin.

Juan 1:9

Shaꞌhuitërinpoaso chachin Quisocristo isoroꞌpaquë oꞌmarin. Oꞌmarahuaton, yaꞌipi piyapinpoaꞌ aꞌpintimarinpoaꞌ. Inasáchin noꞌtëquën anitotërinpoaꞌ.

Juan 15:1

Ina quëran itantarincoi: “Casáchin noꞌtëquën aꞌchintatënquëmaꞌ, opa naraꞌhuaya pochin ninahuë. Tata Yosësoꞌ huaꞌanën pochin ninin.

Juan 6:31

Iráca shimashonënpoapita Moisësëri Iquipito quëran quëcapon, noya cosharoꞌ mana itopisoꞌ quëtërin. “Cosharoꞌ inápa quëran oꞌmarinsoꞌ quëtërin capacaiso marëꞌ,” tënin Yosë quiricanënquë. Inotëro parti napopi, itopi.

Juan 6:33

Inápa quëran aꞌpatimarinquëmaꞌ piyapiꞌsaꞌ ina pochin nanpicaiso marëꞌ, itërin.

Juan 6:35

—Ca inaco. Casoꞌ cosharo pochinco niꞌto, piyapiꞌsaꞌ ananpitomiatarahuë. Imapatamaco, co huachi tanarëso pochin cancantaramahuëꞌ. Natëhuatamaco, co huachi yamororëso pochin cancantaramahuëꞌ. Yosë nohuitohuatamaꞌ, sano cancantaramaꞌ.

Juan 6:41

Ina natanahuatonaꞌ, cotioroꞌsari noꞌhuipi. “Casoꞌ cosharo pochin ninahuë. Inápa quëran oꞌmarahuë,” tëninso marëꞌ noꞌhuipi. Noꞌhuitonaꞌ, ninontapi.

Juan 6:50

Insosona natëhuachinco inápa quëran cosharoꞌ oꞌmarinso capatë pochin nisarin. Napohuachin, Yosërëꞌ yaꞌhuëmiatapon.

Juan 6:55

Nonëhuë cosharo pochin niꞌton, achinicancanaranquëmaꞌ. Huënainëhuë paꞌsarin niꞌton, imapatamaco, anoyacancantaranquëmaꞌ.

Juan 6:58

Ca cosharo pochinco. Inápa quëran oꞌmarahuë. Shimashonëmapita cosharoꞌ Yosëri aꞌpatimarinsoꞌ caꞌpirinahuëꞌ, iráca chiminpi. Nipirinhuëꞌ, imamiatohuatamaco, nanpimiataramaꞌ, itërin.

Gálatas 4:4

Ina quëran tahuërinën nanihuachina, Yosëri huiꞌnin aꞌpaimarin. Sanapi quëran nasitaton, piyapi chachin ninin. Cotio quëmapi niꞌton, iráca pënëntërinsoꞌ natëcasoꞌ yaꞌhuërin.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.