Juan 6:22 - Chayahuita (Shahui)

²² Piyapiꞌsaso nipirinhuëꞌ ina quëranchin quëparitopi. Tahuëririnquë Quisoso yonisápirinahuëꞌ. Co quënanatonahuëꞌ, ninontopi. “¿Intohuasoꞌ paꞌmara? Iꞌhuara aꞌnaíchin poti yaꞌhuëpirinhuëꞌ. Inaquë caꞌtanoꞌsanënpita yaꞌconahuatonaꞌ, paꞌpi. Quisososo nipirinhuëꞌ co paꞌninhuëꞌ,” nitopi.

Juan 6:22 ပူးပေါင်းရင်းမြစ်များ

Mateo 14:22

Ina quëran caꞌtanoꞌsanënpita shaꞌhuitërin. “Potiquë yaꞌconahuatomaꞌ, aquëtëran pacoꞌ. Nani piyapiꞌsaꞌ nontohuato, cantaꞌ paꞌsarahuë,” itohuachina, paꞌpi huachi. Ina quëran piyapiꞌsaꞌ nontërin.

Marcos 6:45

Ina quëran caꞌtanoꞌsanënpita itapon: “Potiquë yaꞌconahuatomaꞌ, aquëtëran pacoꞌ. Apira cantaꞌ paꞌsarahuë. Pitsaitaꞌpaꞌ paꞌahuaꞌ,” itërin. Caꞌtanoꞌsanënpita nani paꞌpachinara, piyapiꞌsaꞌ nontarin yaꞌhuëpiꞌpaꞌ paacaiso marëꞌ.

Juan 6:2

Notohuaroꞌ piyapiꞌsaꞌ imasarinacoi. Naꞌa caniaꞌpiroꞌsaꞌ Quisosori aꞌnaroáchin anoyatërin. Ina nicatonaꞌ, imasapi.