Juan 6:20 - Chayahuita (Shahui)

²⁰ Napopiraihuëꞌ: —¡Coꞌta ca huëꞌsarahuë! ¡Ama paꞌyancosohuëꞌ! itërincoi.

Juan 6:20 ပူးပေါင်းရင်းမြစ်များ

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Marcos 16:6

Paꞌyanasoiꞌ, inari itërin: —Ama paꞌyancosohuëꞌ. Quisoso Nasaritoquë yaꞌhuërinsoꞌ yonisapiramahuëꞌ, co huachi isëquë yaꞌhuërinhuëꞌ. Corosëquë chiminaponahuëꞌ, nani nanpiantarin. Huëcoꞌ poꞌmopiquë niꞌquiricoꞌ. Capa huachi.

Marcos 6:50

Yaꞌipiya quëran niꞌsahuatonaꞌ, tëꞌhuatopi. Nipirinhuëꞌ, aꞌnaroáchin Quisosori itërin: —Coꞌta ca huëꞌsarahuë. Ama paꞌyancosohuëꞌ. Chiníquën cancantocoꞌ, itërin.

Juan 6:19

Saota quiromitro pochin nani maitopiraihuëꞌ, Quisoso huëꞌsarin nicaporaihuëꞌ, co aꞌnaroáchin nohuitëraihuëꞌ. Iiꞌ aipi iꞌnarahuaton, noꞌpa pochin huëꞌshiarin. Poti yaꞌcaririarinsoꞌ niꞌsahuatoi, paꞌyanai.

Juan 6:21

Ina quëran noya cancantatoi: “Yaꞌconquiquëꞌ,” itohuatoira, yaꞌconin. Yaꞌconpachina, aꞌnaroáchin Capinaomo yonsanquë canconai.