Juan 6:19 - Chayahuita (Shahui)

¹⁹ Saota quiromitro pochin nani maitopiraihuëꞌ, Quisoso huëꞌsarin nicaporaihuëꞌ, co aꞌnaroáchin nohuitëraihuëꞌ. Iiꞌ aipi iꞌnarahuaton, noꞌpa pochin huëꞌshiarin. Poti yaꞌcaririarinsoꞌ niꞌsahuatoi, paꞌyanai.

Juan 6:19 ပူးပေါင်းရင်းမြစ်များ

Salmos 93:4

Quëmaso napoaponahuëꞌ, inápaquë yaꞌhuëran. Marëroꞌsa coꞌsacaitatona tënëntopi quëran chini chiníquën nanantëran.

Jonás 1:13

Inaso napopirinhuëꞌ, inapitaso yonsanꞌpaꞌ yaꞌcaritacaiso marëꞌ chiníquën maitopi. Napopirinahuëꞌ, co nanitopihuëꞌ. Marë aquë aquëtë coꞌsacaitarin niꞌton, co nanitopihuëꞌ.

Lucas 24:13

Naporo tahuëri chachin catoꞌ imarinsopita Quirosarin quëran pipirahuatonaꞌ, ninanonënquë paantapi. Imaosë itopiquë paantapi. Shonca aꞌna quiromitro pochin aquërinsoꞌ.

Lucas 9:42

Inaquë quëntapirinhuëꞌ, noꞌpaquë sopairi ataatantarin. Apacoroantarin. Quisosori niꞌsahuaton, sopai itërin: “Huaꞌhuasha tananpitëquëꞌ. Pipimiatëquë huachi,” itërin. Aꞌnaroáchin sopai pipirin. Huaꞌhuasha noyatërin huachi. “Pëinënquë iyasha quëpantaquëꞌ,” itërin.

Juan 11:18

Pitaniasoꞌ Quirosarin yaꞌcariya yaꞌhuërin. Cara quiromitro pochin aquërin.

Juan 14:18

Co saꞌahuaroꞌsaꞌ pochin nitaranquëmahuëꞌ. Co patomiataranquëmahuëꞌ. Ca nohuanto, Ispirito Santo yaꞌcoancantarinquëmaꞌ. Ca pochachin catahuarinquëmaꞌ.

Juan 6:20

Napopiraihuëꞌ: —¡Coꞌta ca huëꞌsarahuë! ¡Ama paꞌyancosohuëꞌ! itërincoi.

Apocalipsis 14:20

Niꞌcoꞌ. Oparoꞌsaꞌ mapachinara, ninano aipiran quëparapi. Inaquë panca nanpiquë toꞌpoipi. Opaiꞌ pipihuachina, quëhuain ninin. Huënai pochin yaꞌnorin. Inapochachin anaꞌintohuachina, panca huënaiꞌ paꞌsarin, niꞌnahuë. Cara pasa quiromitro pochin pancaitërinsoꞌ. Cahuario motën yaꞌcari huarëꞌ anpotarin huachi.

Apocalipsis 21:16

Cato huaranca cato pasa quiromitro naporopitërinsoꞌ. Inapochachin pancanatërinsoꞌ ninin. Inaparinsontaꞌ cato huaranca cato pasa quiromitro inaparin.