Juan 5:6 - Chayahuita (Shahui)

⁶ Inaquë quëhuënápirinhuëꞌ, Quisosori quënanquirin. “Nani huaꞌquiꞌ caniorin,” itohuachina, apia itapon: —¿Nohuantëran noyatamaso ti? itërin.

Juan 5:6 ပူးပေါင်းရင်းမြစ်များ

Isaías 65:1

Sinioro naporin: “Co manta cancantërinacosopitahuëꞌ, quënaninaco. Co yonípirinacohuëꞌ, quënaninaco. Co nontopirinacohuëꞌ: ‘Nontoco catahuainquëmaꞌ,’ itërahuë.

Lucas 18:41

—¿Maꞌtaꞌ iyasha onpochinquën? itërin. —Anoyarayatoco Sinioro cantaꞌ niꞌchi, itërin.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 5:5

Inaquë aꞌna quëmapi yaꞌhuërin. Nani cara shonca posa piꞌipi caniorin. Co nanitërinhuëꞌ huanicasoꞌ.

Juan 5:7

—Nohuantopirahuëꞌ Sinioro. Saꞌahuaco. Co insontaꞌ yaꞌhuërinhuëꞌ iꞌquë poꞌmoincosoꞌ. Iꞌsha coꞌsacaitohuachina, yayaꞌconpirahuëꞌ. Aꞌnaꞌton yaꞌconin, itërin.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.