Juan 5:43 - Chayahuita (Shahui)

⁴³ Yosë chachin aꞌpaimarinco niꞌton, oꞌmapirahuëꞌ, co nohuantëramacohuëꞌ. Aꞌnaquënso nipirinhuëꞌ inaora yonquinën quëran aꞌchintohuachinquëmaꞌ, nohuantaramaꞌ.

Juan 5:43 ပူးပေါင်းရင်းမြစ်များ

Mateo 24:24

Naꞌa nonpin nanan pënëntonaꞌpiroꞌsaꞌ huëcaponaꞌ. ‘Casoꞌ Cristoco’ tosapi aꞌnaquën. ‘Casoꞌ ninotonaꞌpico,’ tosapi aꞌnaquëontaꞌ. Sacaiꞌ nininsopita nisapi piyapiꞌsaꞌ nonpintacaiso marëꞌ. Huayoninsopitantaꞌ nonpintochinaichin nisapi.

Mateo 24:5

Aꞌnaquën huëcaponaꞌ. “Casoꞌ Cristoco. Yosë chachin aꞌpaimarinco,” tosapi. Nonpintëꞌ nipirinhuëꞌ, naꞌa piyapiꞌsari imasapi.

Juan 10:25

—Nani shaꞌhuitopiranquëmahuëꞌ, co yanatëramacohuëꞌ. “Tata Yosë chachin catahuarinco,” taꞌto, sacaiꞌ nininsoꞌ ninahuë canpita nohuitamacoso marëꞌ.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 3:16

Yosësoꞌ yaꞌipi piyapiꞌsaꞌ paꞌpi nosoromiatërin. Napoaton aꞌnaíchin huiꞌnin nipirinhuëꞌ, isoroꞌpaquë aꞌpaimarin chiminacaso marëꞌ. Ina natëtëhuaꞌ: “Ca marëꞌ chiminin,” topatëhuaꞌ, co parisitopiquë paꞌsarëhuahuëꞌ. Yosë nohuitatëhuaꞌ, nanpimiatarëhuaꞌ.

Juan 5:42

Nani nohuitëranquëmaꞌ. Co cancanëma quëran Yosë nosororamahuëꞌ, tënahuë.

Juan 6:38

Co caora nohuanto, maꞌsha ninahuëꞌ. Inápa quëran oꞌmarahuë Tata Yosë natëcaꞌhuaso marëꞌ. Ina aꞌpaimarinco.

Hechos 21:38

—Iquipito piyapinquën taꞌma topirahuëꞌ. Inasoꞌ iꞌhuamiáchin copirno noꞌhuiton, catapini huaranca tirocoroꞌsaꞌ, inotëro parti quëparin, itërin.