Juan 5:42 - Chayahuita (Shahui)

⁴² Nani nohuitëranquëmaꞌ. Co cancanëma quëran Yosë nosororamahuëꞌ, tënahuë.

Juan 5:42 ပူးပေါင်းရင်းမြစ်များ

Lucas 16:15

Tëhuapirinahuëꞌ, Quisosori itërin: “Canpitasoꞌ Yosë imaramaso pochin nipomarahuëꞌ, co tëhuënchachin imaramahuëꞌ. Nonpinamaꞌ. Yonquiramaso chachin Yosë nitotërin. Piyapiꞌsaꞌ noya niꞌpirinënquëmahuëꞌ. Cancanëma quëranso yanonpinamaꞌ niꞌton, Yosë co piꞌpian tërantaꞌ noya niꞌsarinquëmahuëꞌ,” itërin.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 5:41

Co canpita noya nicamacoso marëꞌ napotëranquëmahuëꞌ.

Juan 5:43

Yosë chachin aꞌpaimarinco niꞌton, oꞌmapirahuëꞌ, co nohuantëramacohuëꞌ. Aꞌnaquënso nipirinhuëꞌ inaora yonquinën quëran aꞌchintohuachinquëmaꞌ, nohuantaramaꞌ.

Juan 5:44

Canpita capini nipaꞌyatacasoráchin yonquiatomaꞌ, co Yosë noya nicainquëmasoꞌ yonquiramahuëꞌ. Napoaton co natëramacohuëꞌ.

Juan 8:42

Napotohuachinara: —Yosësoꞌ tatanëmaꞌ naporini, nosoroꞌitomacohuëꞌ. Yosë quëran oꞌmarahuë. Co caora nohuanto, oꞌmarahuëꞌ. Yosë aꞌpaimarinco.

Juan 8:47

Yosë piyapinënpita ina nanamën noya natanpi. Canpitaso nipirinhuëꞌ co Yosë piyapinënquëmahuëꞌ niꞌton, co yanatanamahuëꞌ, itaantarin Quisosori.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

Romanos 8:7

Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

1 Juan 2:15

Naꞌa piyapiꞌsaꞌ co Yosë natëtonahuëꞌ nisha nisha yonquipi. Isoroꞌpaquë yaꞌhuërinsopitaráchin yonquipi. Ama inapita pochin cancantocosohuëꞌ. Ama nani maꞌsha nohuantapatocosohuëꞌ. Maꞌsha naꞌcon yonquihuatamaꞌ, co tëhuënchachin Tata Yosë nosororamahuëꞌ.

1 Juan 3:17

Quisocristo imarëhuasopita capini noya ninosorocasoꞌ yaꞌhuërin. Aꞌnapita maꞌsha pahuantohuachinaꞌ, catahuahuaꞌ. Capa capacaisoꞌ nipachin, capa aꞌmocaisoꞌ nipachin quëtahuaꞌ. Co inapita catahuahuatëhuahuëꞌ, co tëhuënchachin nosororëhuahuëꞌ. Co canpoa capini ninosorohuatëhuahuëꞌ, co Yosëntaꞌ nosororëhuahuëꞌ.

1 Juan 4:20

Aꞌnaquënsoꞌ “Yosë nosororahuë,” taponahuëꞌ, iin noꞌhuirin. Co inasoꞌ noꞌtëquën noninhuëꞌ, nonpiánin. Piyapi quënanëhuaꞌ. Yosëso nipirinhuëꞌ co quënanëhuahuëꞌ. Piyapi quënanarihuarahuëꞌ, co nosorohuatëhuahuëꞌ, aquëtë huarëꞌ Yosësoꞌ co nanitarëhuahuëꞌ nosorocasoꞌ.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.