Juan 5:37 - Chayahuita (Shahui)

³⁷ Tatahuë aꞌpaimarincosontaꞌ nani shaꞌhuitërinquëmaꞌ. Co onporontaꞌ noninsoꞌ natanchinamahuëꞌ. Co niꞌchinamahuëꞌ.

Juan 5:37 ပူးပေါင်းရင်းမြစ်များ

Éxodo 20:19

Napoaton Moisësë, itopi: —Ama huachi Yosëso nonchincoisohuëꞌ. Chiminpatoi. Quëmari natanaton shaꞌhuitocoi natëi, itopi.

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Mateo 3:17

Naporoꞌ inápa quëran Yosë noninsoꞌ natanpi. —Isosoꞌ ca huiꞌnahuë chachin, naꞌcon nosororahuësoꞌ. Noya niꞌnahuë, tënin.

Marcos 1:11

Naporoꞌ inápa quëran Yosëri itapon: “Quëmasoꞌ huiꞌnahuënquën chachin ninan. Naꞌcon nosoroatënquën, noya niꞌnanquën,” itërin.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Lucas 3:22

Ispirito Santo nëpë pochin nohuaraimarahuaton, Quisoso yaꞌcoancantomiatërin. Naporoꞌ inápa quëran Yosëri itërin: —Quëmasoꞌ huiꞌnahuënquën chachin ninan. Naꞌcon nosoroatënquën, nóya niꞌnanquën, itërin.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

Juan 15:24

Naꞌa piyapiꞌsaꞌ aꞌnaroáchin anoyatërahuë. Nani maꞌsha Yosë pochin ninahuë. Aꞌnapita piyapiꞌsasoꞌ co nanitapapihuëꞌ. Yosë anohuitaꞌhuaso marëꞌ sacaiꞌ nininsoꞌ aꞌnotërahuë. Co aꞌnotërahuëꞌ naporini, co ina marëꞌ oshahuaintonahuëꞌ. Nani nicaponaracohuëꞌ, noꞌhuirinaco. Tata Yosëntaꞌ noꞌhuipi.

Juan 5:32

Nipirinhuëꞌ, Tata Yosëntaꞌ inachachin shaꞌhuitarinquëmaꞌ. Noꞌtëquën nonin, tënahuë.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Juan 8:18

Carinquëmaꞌ nani shaꞌhuitaranquëmaꞌ. Tatahuëntaꞌ inachachin anitotarinquëmaꞌ. Ina aꞌpaimarinco, itërin Quisosori.

Deuteronomio 4:12

Naporoꞌ Siniorosoꞌ, pën huáncana quëran nontërinpoaꞌ. Noninsoꞌ mini natanapomarahuëꞌ, co manta quënanamahuëꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

1 Juan 4:12

Co inquënpoa tërantaꞌ Yosë quënanpirëhuahuëꞌ, noya ninosorohuatëhuaꞌ, Yosë nohuitarihuaꞌ, yaꞌcoancantomiatërinpoaꞌ. “Yosë naꞌcon nosororinpoaꞌ,” taꞌtëhuaꞌ, canpoantaꞌ noya noya ninosoroarihuaꞌ.

1 Juan 4:20

Aꞌnaquënsoꞌ “Yosë nosororahuë,” taponahuëꞌ, iin noꞌhuirin. Co inasoꞌ noꞌtëquën noninhuëꞌ, nonpiánin. Piyapi quënanëhuaꞌ. Yosëso nipirinhuëꞌ co quënanëhuahuëꞌ. Piyapi quënanarihuarahuëꞌ, co nosorohuatëhuahuëꞌ, aquëtë huarëꞌ Yosësoꞌ co nanitarëhuahuëꞌ nosorocasoꞌ.

1 Juan 5:9

Piyapiꞌsaꞌ inachachin shaꞌhuihuachinaꞌ, natëtërëhuaꞌ. Yosëso nipirinhuëꞌ noya noya niꞌton, noꞌtëquënáchin nontërinpoaꞌ. Napoaton ina shaꞌhuitohuachinpoaꞌ, naꞌcon naꞌcon natëtacasoꞌ yaꞌhuërin. Nani Yosë shaꞌhuitërinpoaꞌ niꞌton, “Quisocristosoꞌ Yosë huiꞌnin chachin. Ina nichaꞌërinpoaꞌ,” tënëhuaꞌ.