Juan 5:2 - Chayahuita (Shahui)

² Inaquë iꞌsha yaꞌhuërin, anpomiachin. Cotio nananquë Pitista itopi. Ninano yaꞌcoana pirayan yaꞌhuërin, ohuicaroꞌsaꞌ yaꞌcoananën itopiquë. Iꞌsha pirayan aꞌnatërápo imënamë pochin nininsoꞌ yaꞌhuërin.

Juan 5:2 ပူးပေါင်းရင်းမြစ်များ

Juan 19:13

Ina natanahuaton, “Coꞌchi nanitërahuëꞌ Quisoso ocoicaꞌhuaso paya,” taꞌton, aipiran quëpantarin. Quëpantarahuaton, anaꞌintacasoꞌ shiranënquë huënsërin. “Shancori iꞌiratëꞌ,” itopiquë yaꞌhuërin. Cotio nananquësoꞌ, Capata, itopi.

Juan 19:17

Corosë apitëntohuachinara, inaora quëparin. Paꞌsahuatonaꞌ, “Nansë Motoꞌ,” panën itopiquë canconpi. Cotio nananquësoꞌ, Corocota itopi.

Juan 19:20

Ninano yaꞌcariya niꞌton, naꞌa cotioroꞌsaꞌ ina nontopi. Cotio nananquë, Noma nananquë, Crico nananquë, cara nananquë chachin aninshitërin.

Juan 20:16

—¡Maria! itërin Quisosori. Tahuërëtahuaton, nohuitërin huachi. Inaora nananquë nontaton; —¡Raponi! itërin. Maistro tapon naporin.

Juan 5:3

Inaquë naꞌa caniaꞌpiroꞌsaꞌ quëhuënapi. Aꞌnaquën somaraya. Aꞌnaquën sonpacha. Aꞌnaquën nantën tachitërin niꞌton, co nanitërinhuëꞌ huanicasoꞌ. Inaquë ninarapi. [“Huaꞌqui quëran huaꞌqui quëran Sinioro anquëninën oꞌmaton, iꞌsha acoꞌsacaitërin,” topi. “Napohuachina, insoꞌton iꞌquë yaꞌconpachina, aꞌnaroáchin noyatërin,” taꞌtonaꞌ, ninarapi.]

Juan 7:21

—Chinoto tahuëri aꞌna quëmapi anoyatërahuë. “Chinoto tahuëri nipirinhuëꞌ, co chinotërinhuëꞌ,” taꞌtomaꞌ, canpitasoꞌ paꞌyanamaꞌ.

Hechos 21:40

“Inta nipachin, nontëquëꞌ,” itërin. Paono nanpënanquë huanirahuaton, anqui anquitaꞌparin. Piyapiꞌsari niꞌsahuatonaꞌ, copica topi huachi. Napohuachinara, Paonori cotio nananquë itapon:

Apocalipsis 16:16

Anaꞌintacasoꞌ tahuëri yaꞌcaritohuachin, naꞌa copirnoroꞌsaꞌ ayontonapi quira nicacaiso marëꞌ. Armaquitono itopiquë niyontonapi. Cotio nananquë napopisoꞌ.

Apocalipsis 9:11

Huaꞌanën yaꞌhuëtërin antaꞌ. Inari camairinsoꞌ, sopairoꞌsaꞌ oncorapirinsoꞌ parti quëran huëꞌnin. Cotio nananquë Apatono itopisoꞌ. Crico nananquë Aporiono itopi. Tiquitonaꞌpi tapon naporin.