Juan 5:14 - Chayahuita (Shahui)

¹⁴ Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

Juan 5:14 ပူးပေါင်းရင်းမြစ်များ

Nehemías 9:28

Napoaponahuëꞌ, noya yaꞌhuëantahuachinaꞌ, aꞌnaroáchin naniantaantarinën. Quëmari niꞌsápiranhuëꞌ, co noyahuëꞌ niantapi. Napoaton naquëranchin inimicoroꞌsari minsërahuatona aparisitaantapi. Parisitatona nontaantahuachinën, nosoroaton inápa quëran catahuantaran. Inimiconënpita quëran naꞌaro nichaꞌëran.

Salmos 118:18

Sinioro chiníquën anaꞌintopirincohuëꞌ, co chimirinquë aꞌparincohuëꞌ.

Salmos 27:6

Naporoꞌ inimicoroꞌsa co huachi nanitapaponacohuëꞌ. Ina quëran maꞌsharoꞌsa quëcato, pëinënquë quëma marëꞌ tëpato, ahuiquitarahuë. Capa cancantato, “yai,” charápo. Nisha nisha cantanën cantato chinotaranquën.

Mateo 12:45

Napoaton paantarahuaton, canchisë sopairoꞌsaꞌ maantarin. Aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Napoaton aquë aquëtëꞌ co noyahuëꞌ yonquirin huachi. Inapochachin ipora naꞌa piyapiꞌsaꞌ sopai natëtonaꞌ, co noyahuëꞌ cancantopi. Ina quëran: ‘Co huachi sopai natëarahuëꞌ,’ taponaraihuëꞌ, co Yosë yonquiatonahuëꞌ, oshaquëran aquë aquëtëꞌ co noyahuëꞌ cancantaantapi huachi,” itërin Quisosori.

Marcos 2:5

Quisosori niꞌsahuaton, “Ma noya isopita natërinaco,” taꞌton, apia itapon: —Oshanën apiaꞌhua inquitaranquën huachi, itërin.

Juan 5:13

“Ahuën. Co nohuitërahuëꞌ,” tënin. Huaꞌhuayatërahuëꞌ piyapi inaquë yaꞌhuërin niꞌton, nani Quisoso paꞌnin.

Juan 5:5

Inaquë aꞌna quëmapi yaꞌhuërin. Nani cara shonca posa piꞌipi caniorin. Co nanitërinhuëꞌ huanicasoꞌ.

Juan 8:11

—Nani paꞌpi Sinioro, itërin. —Co carinquëontaꞌ yaanaꞌintëranquënhuëꞌ. Paaton, ama huachi aquëtëꞌ oshahuaantaquësohuëꞌ. Noya niquë huachi, itërin. Napotohuachina, paꞌnin.]

1 Pedro 4:3

Huaꞌquiꞌ co noyahuëꞌ ninamaꞌ. Monshihuanamaꞌ, nisha nisha sanapi noyaramaꞌ, noꞌpiramaꞌ. Pita nicacasoáchin yonquiramaꞌ. Mamanshi mosharamaꞌ, co inapita moshacasohuëꞌ nipirinhuëꞌ. Iráca co Yosë imatomahuëꞌ, inaporamaꞌ. Inapoatomaꞌ, tahuëri chiniaramaꞌ.