Juan 5:10 - Chayahuita (Shahui)

¹⁰ Cotio huaꞌanoꞌsari quënanahuatonaꞌ, apia huëcapaipi. —Ipora tahuërisoꞌ, chinoto tahuëri niꞌton, co maꞌsha quëpacasoꞌ yaꞌhuërinhuëꞌ, itopi.

Juan 5:10 ပူးပေါင်းရင်းမြစ်များ

Isaías 58:13

Sinioro naporin: “Sahuato tahuëri nanihuachin, noya nicaton chinotëquëꞌ. Chinotamacoso tahuëri niꞌton, ama canacaso marëꞌ sacatëquësohuëꞌ. ‘Ina tahuërisoꞌ, capa cancantacaso tahuëri,’ tëquëꞌ. Naporoꞌ Sinioro noya nicaton chinotëquëꞌ. Inasoꞌ noyasáchin niꞌton, chinotacaso yaꞌhuërin. Ama quëmaora yonquiransopita nicatonhuëꞌ, ina tahuëri noya niꞌquëꞌ. Noya nicaton, ama maꞌsona nohuantëransoꞌ niquësohuëꞌ. Co canacamaso marënta sacatacaso yaꞌhuërinhuëꞌ.

Mateo 12:10

Inaquë aꞌna quëmapi quënanconin. Aꞌna imirin tachitërin niꞌton, co piꞌpisha tërantaꞌ nanitërinhuëꞌ sëꞌquëtacasoꞌ. “Ipora tahuëri co caniaꞌpiroꞌsaꞌ anoyatacaso yaꞌhuërinhuëꞌ,” taꞌtonaꞌ, parisioroꞌsari niꞌsapi. Quisoso yashaꞌhuirapitonaꞌ, itaponaꞌ: —Chinoto tahuëri nipirinhuëꞌ, ¿noya caniaꞌpiroꞌsaꞌ anoyatacasoꞌ ti? itopi.

Marcos 2:24

Ina nicatona parisioroꞌsasoꞌ: —¡Niꞌquëꞌ, Maistro! Chinoto tahuëri nipirinhuëꞌ, caꞌtanoꞌsanënpita tricoraya iꞌshorayarapi. Co ipora tahuërisoꞌ piꞌpisha tërantaꞌ sacatacasohuëꞌ nipirinhuëꞌ. ¿Onpoatontaꞌ co Moisësë pënëntërinsoꞌ natëpihuëꞌ? itopi.

Marcos 3:4

Inaquë nipachina, piyapiꞌsaꞌ itapon: —Chinoto tahuëri noya nicacasoꞌ yaꞌhuërin. Co ahuëtacasoꞌ, co tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Nipirinhuëꞌ, nosoroato anoyataꞌhuasoꞌ yaꞌhuërin, tënahuë casoꞌ. ¿Maꞌtaꞌ tënama canpitasoꞌ? itërin. Natanaponaraihuëꞌ, co mantaꞌ topihuëꞌ.

Lucas 13:14

Niyontonpiso pëiꞌ huaꞌanso nipirinhuëꞌ, noꞌhuitërin. Chinoto tahuëri anoyatërin niꞌton, naporin. Napoaton piyapiꞌsaꞌ itapon: —Saota tahuëri sacatacasoꞌ yaꞌhuërin. Naporoꞌ huëcoꞌ anoyatinquëmaso marëꞌ. Chinoto tahuërisoꞌ co noyahuëꞌ anoyatacasoꞌ, itërin.

Lucas 23:56

Nani niꞌpachinara, yaꞌhuëpiꞌpaꞌ paantapi. Inaquë noꞌmorain pimóton nininsoꞌ tapapi. Pimo huaꞌsaintaꞌ tapapi Quisoso nonën pashitacaiso marëꞌ. Chinoto tahuëri nanihuachina, chinotopi. Moisësë shaꞌhuirinso chachin chinotopi.

Lucas 6:2

Parisioroꞌsari niꞌsahuatonaꞌ, itopi: —¿Onpoatomataꞌ chinoto tahuëri nipirinhuëꞌ tricoraya iꞌshorayaramaꞌ? Co ipora tahuëri sacatacasohuëꞌ nipirinhuëꞌ. ¿Onpoatomataꞌ Moisësë pënëntërinsoꞌ co natëramahuëꞌ? itopi.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 5:11

—Quëmapi anoyatërincosoꞌ nani shaꞌhuitërinco. “Pëꞌsaraꞌhuaya masahuaton, iratëquëꞌ,” itërinco, tënin.

Juan 5:15

Ina natanahuaton, Yosë chinotopiso pëi quëran pipirahuaton, cotioroꞌsaꞌ shaꞌhuitonin. “Quisoso anoyatërinco,” itoonin.

Juan 5:16

Napoaton Quisoso noꞌhuipi. Chinoto tahuëri anoyatërinso marëꞌ co quëꞌyapihuëꞌ.

Juan 7:23

Chinoto tahuëri niponahuëꞌ, marca niacotëramaꞌ. Moisësë pënëntërinsoꞌ natëcaso marëꞌ naporamaꞌ. Inapoapomarahuëꞌ, ¿onpoatomataꞌ nipachin chinoto tahuëri piyapi anoyatërahuëso marëꞌ noꞌhuiramaco?

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.