Juan 4:6 - Chayahuita (Shahui)

⁶ Inaquë aꞌna poso yaꞌhuërin. Cacopo posonën itopi. Camotëchin inaquë canconai. Quisoso canotaton, posoquë huënsëconin.

Juan 4:6 ပူးပေါင်းရင်းမြစ်များ

Mateo 27:45

Camotëchin nisahuasoꞌ, yaꞌipi parti tashirarin. Iꞌhuaraya huarëꞌ yono tashi pochin nisarin.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Mateo 8:24

Paaquëyaꞌ, aꞌnanaya panca ihuani manin. Panca sonoꞌ niꞌton, coꞌsacairi poti opoto opototahuaton, yamëntaitapirinhuëꞌ. Yaꞌhuërë Quisososoꞌ huëꞌë́rarin.

Lucas 2:7

Paninan huairin, quëmapiaꞌhuaya. Nëꞌmëtërinquë soꞌquëëtahuaton, nonaꞌhuayaquë acorin, ohuaca coshatërinquë. Huëꞌëcaisoꞌ pëiꞌ nani yaꞌsotopi niꞌton, co inaquë huëꞌëpatërinhuëꞌ. Napoaton nonaꞌhuayaquë huaꞌhuin acorin.

Lucas 9:58

—Sacaiꞌ imancosoꞌ, tënahuë. Maꞌsha tananquë yaꞌhuërinsopita huëꞌëshinantëna yaꞌhuëtopi huëꞌëcaiso marëꞌ. Inairantaꞌ pëꞌpëtën yaꞌhuëtërin. Caso nipirinhuëꞌ Yosë quëran quëmapico niporahuëꞌ, co pëiꞌ yaꞌhuëtërincohuëꞌ. Paꞌsápato, co yaꞌhuëmiatërahuëꞌ, itërin.

Juan 11:9

Napotohuatoira, Quisoso itaponcoi: —Shonca catoꞌ ora quëran iꞌhuarin. Tahuëri iratohuatëra, co iꞌparëhuëꞌ. Noya quënantatëꞌ, noya paꞌnëꞌ.

Juan 4:12

Iráca Tata Cacopo iso poso ninin. Isëquëran iꞌsha macaton, oꞌorin. Huiꞌninpita, pëꞌtahuanënpita inapitantaꞌ isëquë oꞌopi. Inasoꞌ chiníquën nanantërin, topi. ¿Ina quëran naꞌcon naꞌcon quëmasoꞌ nanitaparan ti? itërin sanapiri.

Juan 4:5

Inatohuaꞌ aꞌna ninanoꞌ yaꞌhuërin, Sicarë itopisoꞌ. Ina yaꞌcariya Cosi noꞌpanën yaꞌhuërin. Iráca paꞌpin Cacopo itopisori quëtërinsoꞌ.

Juan 4:7

Caꞌtanoꞌsanënpitacoisoꞌ, ninanoquë paꞌnai cosharoꞌ paꞌanaꞌhuaiso marëꞌ. Paꞌnaisoꞌ, Samaria sanapi iꞌsha macapon huëꞌnin. Nani mapachina, Quisosori itapon: —Imoya, iꞌsha mananso cantaꞌ oꞌoi topirahuë, itërin.

2 Corintios 8:9

Sinioro Quisocristo nosoroatonpoaꞌ, catahuarinpoasoꞌ nani nitotëramaꞌ. Iráca noya noya inápaquë yaꞌhuëpirinhuëꞌ, isoroꞌpaquë oꞌmarin nichaꞌëinquëmaso marëꞌ. Co mantaꞌ isëquë yaꞌhuëtërinhuëꞌ. Parisitërin quëran nichaꞌërinquemaꞌ noya noya cancantacaso marëꞌ. Parisitaton, naꞌcon catahuarinquëmaꞌ.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.