Juan 4:42 - Chayahuita (Shahui)

⁴² Sanapi itaponaꞌ: —Quëma shaꞌhuitërancoi niꞌtoi, piꞌpian Quisoso natërai. Iporaso nipirinhuëꞌ quiyaora chachin natanai. Nani nohuitatoi, cancanëhuëi quëran huarëꞌ natërai huachi: “Tëhuënchachin isosoꞌ nichaꞌërinpoaꞌ. Insosona imapachinaꞌ, oshanën inquitaton, anoyacancantarin, tënai,” itopi.

Juan 4:42 ပူးပေါင်းရင်းမြစ်များ

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Isaías 52:10

Nisha nisha piyapiꞌsa niꞌtonënquë Sinioro chiníquën nanantërinsoꞌ aꞌnorin. Yosënënpoa nichaꞌërinpoasoꞌ, yaꞌipiroꞌpaquë yaꞌhuëpisopita nitotaponaꞌ.

Mateo 1:21

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

Lucas 2:32

Nisha nisha nananquë nonpisopita aꞌpintarin noꞌtëquën yonquicaiso marëꞌ. Israiroꞌsantaꞌ catahuaarin. Piyapinënpita niꞌton, noya noya acorarin,” itërin.

Juan 1:29

Tahuëririnquë inaquë Quisoso huëꞌsarin. Coanshari quënanahuaton, piyapiꞌsaꞌ itërin: “Pasoꞌ quëmapi niꞌcoꞌ. Yosëri aꞌpaimarinsoꞌ. Inasoꞌ carniroaꞌhua pochin nicaton, oshanënpoaꞌ inquitiinpoaso marëꞌ chiminapon.

Juan 11:17

Napotohuachincoira, Pitaniaquë paꞌnai. Inaquë canconpiraihuëꞌ, nani Nasaro chiminin quënanconai. Nani catapini tahuëri naꞌpi naninquë yaꞌhuërin.

Juan 17:8

Shaꞌhuitohuatancora, inachachin aꞌchintërahuë, natëtopi. Quëmá quëran oꞌmarahuë. Quëma chachin aꞌpaimarancosontaꞌ natëpi.

Juan 4:29

—Huëcoꞌ paꞌahuaꞌ. Pasëquë quëmapi nohuitocoꞌ. Co nohuitaponcorahuëꞌ, “Nani aꞌnatërápo soꞌyahuanquën,” itërinco. Yaꞌipiya ninorin. ¿Inasoꞌ Cristo nimara ti? itërin.

Juan 4:41

Aꞌchintohuachina, naꞌcon naꞌcon piyapiꞌsaꞌ natëpi.

Hechos 13:23

Iráca chachin Yosëri shaꞌhuitërin: “Aꞌna tahuëri Tapi shiin nichaꞌësarinquëmaꞌ,” itërin shimashonëmapita. Iporasoꞌ iyaroꞌsaꞌ, nani Quisoso aꞌpaimarin nichaꞌëinpoaso marëꞌ. Shaꞌhuitërinso chachin aꞌpaimarin.

Hechos 4:12

Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.

Hechos 5:31

Inapotahuaton, inchinanën quëran acorin. Inasoꞌ huaꞌanënpoaꞌ niꞌton, natëcaso yaꞌhuërin. Nóya nicaton yaꞌipi israiroꞌsanpoaꞌ nichaꞌëinpoaso marëꞌ acorin. Co noyahuëꞌ yonquirëhuasopita naniantohuatëhuaꞌ, oshanënpoaꞌ inquitarinpoaꞌ.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.

1 Timoteo 4:10

Ina marëꞌ paatëhuaꞌ, Yosë nanamën shaꞌhuirárëhuaꞌ. Parisitarihuarahuëꞌ, aꞌchinárëhuaꞌ. Yosëíchin ninarëhuaꞌ. Inasoꞌ nanpiarin niꞌton, yaꞌipi piyapi nichaꞌëcasoꞌ nohuantërin. Natëhuatëhuaꞌ, anoyacancantatonpoaꞌ, nichaꞌësarinpoaꞌ.

1 Juan 2:2

Yaꞌhuërënamënpoaꞌ chiminin niꞌton, nontohuatëhuaꞌ, oshanënpoaꞌ inquitarinpoaꞌ. Oshanënpoaꞌ inquitatonpoaꞌ, nanan anoyatërinpoaꞌ. Yaꞌipi piyapi marëꞌ chiminin. Yaꞌipinpoaꞌ oshanënpoaꞌ inquitinpoasoꞌ nohuantopirinhuëꞌ.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.