Juan 4:41 - Chayahuita (Shahui)

⁴¹ Aꞌchintohuachina, naꞌcon naꞌcon piyapiꞌsaꞌ natëpi.

Juan 4:41 ပူးပေါင်းရင်းမြစ်များ

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

Lucas 4:32

Chiníquën nanantonaꞌpi pochin aꞌchinarin niꞌton, natanahuatonaꞌ, paꞌyanpi. “Ma noyacha aꞌchintërinpoa paya,” topi.

Juan 4:40

Quisoso niꞌquihuachinara, “Huëquëꞌ isëquë yacapatoncoi, aꞌchintocoi,” itopi. Itohuachinara, catoꞌ tahuëri aꞌchintacaso marëꞌ inaquë iꞌhuatërai.

Juan 4:42

Sanapi itaponaꞌ: —Quëma shaꞌhuitërancoi niꞌtoi, piꞌpian Quisoso natërai. Iporaso nipirinhuëꞌ quiyaora chachin natanai. Nani nohuitatoi, cancanëhuëi quëran huarëꞌ natërai huachi: “Tëhuënchachin isosoꞌ nichaꞌërinpoaꞌ. Insosona imapachinaꞌ, oshanën inquitaton, anoyacancantarin, tënai,” itopi.

Juan 6:63

Ispirito Santoráchin ananpimiatarinquëmaꞌ. Piyapiꞌsaꞌ inahuara co nanitapihuëꞌ. Yosë yonquirinso chachin shaꞌhuitëranquëmaꞌ. Ina natëhuatamaꞌ, Yosë nohuitatomaꞌ nanpimiataramaꞌ.

Juan 7:46

—¡Co insontaꞌ ina pochin aꞌchinchininhuëꞌ! itopi.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.

Hechos 15:3

Aꞌpahuachinara, paꞌpi. Pinisia parti, Samaria parti, inaquëpita paꞌsahuatonaꞌ, shaꞌhuiraꞌpiapi. “Nisha piyapiꞌsantaꞌ iráca yonquipisoꞌ naniantatonaꞌ, Quisoso imasapi huachi,” itëraꞌpiapi. Quisoso imapisopita natanahuatonaꞌ, nóya cancantopi.

Hechos 8:12

Nipirinhuëꞌ, Pinipiri noya nanan shaꞌhuitohuachina, noya natanpi. “Yosë yahuaꞌanëntërinpoaꞌ. Quisocristo inápa quëran aꞌpaimarin nichaꞌëinpoaso marëꞌ. Ina imacoꞌ canpitantaꞌ,” itohuachina, natëpi. Ina quëran quëmapiꞌsaꞌ sanapiꞌsarë chachin aporihuanpi.

Hechos 8:25

Ina quëran Pitro Coansharë chachin piyapiꞌsaꞌ aꞌchintantapi. Quisocristo naporinsoꞌ anitotapi. Yaꞌipi Yosë nanamën shaꞌhuitantapi. Nani shaꞌhuitohuachinara, yaꞌhuëpiꞌpaꞌ yapaantapi. Samaria parti paatonaꞌ, aꞌnaya aꞌnaya ninanoroꞌsaquë noya nanan shaꞌhuitëraꞌpiapi. Inaporatonaꞌ, Quirosarinquë cancoantapi.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.