Juan 4:3 - Chayahuita (Shahui)

³ Ina nitotaton, Quisoso paꞌnin. Cotia parti quëran pipirahuaton, Cariria parti paantarin.

Juan 4:3 ပူးပေါင်းရင်းမြစ်များ

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Marcos 3:7

Quisososoꞌ panca sonoꞌ yonsanquë paantarin. Caꞌtanoꞌsanënpitarëꞌ paꞌnin. Naꞌa piyapiꞌsari imasapi. Aꞌnaquën Cariria parti quëran huëꞌpi.

Lucas 17:11

Ina quëran Cariria parti naꞌhuëtahuaton, Quirosarinquë paꞌsarin. Samaria yonsan yaꞌcariya paꞌnin.

Juan 1:43

Tahuëririnquë Quisoso Caririaquë yapaꞌsarin. Paꞌsahuaton, Pinipi quënanconin. —Huëquëꞌ iyasha imacoꞌ, itërin. Itohuachina, imarin.

Juan 10:40

Ina quëran Cortaniiꞌ aquëtëran paantarin. Iꞌhua Coansha piyapiꞌsaꞌ aporintërinquë yaꞌhuërarin.

Juan 11:54

Napoaton Quisoso co huachi nohuantërinhuëꞌ aꞌninquëchin cotio ninanoroꞌsaquë paacasoꞌ. Inotëro parti pirayan paaton, Iprainquë yacapatarin. Inaquë caꞌtanoꞌsanënpitacointaꞌ yacapatonai.

Juan 2:11

Naporoꞌ Quisoso caniaritërin Yosë pochin nicacasoꞌ. Piyapiꞌsari nicatonaꞌ: “Tëhuënchachin Yosëri catahuarin niꞌton, nanitaparin,” topi. Caꞌtanoꞌsanënpitacointa niꞌsahuatoi: “Quisososoꞌ, Yosëri aꞌpaimarinsoꞌ,” tënai. Canaquë naporin. Inaso ninanoꞌ, Cariria parti yaꞌhuërin

Juan 3:22

Ina quëran Quisoso Cotia parti paꞌnin. Caꞌtanoꞌsanënpitacoi imarai. Inaquë huaꞌquimiáchin yaꞌhuëconahuatoi, piyapiꞌsaꞌ aporintërai.

Juan 3:32

Yosëꞌpaꞌ yaꞌhuërinsopita nohuitërin. Nani niꞌnin. Yosëri nontërinsontaꞌ natanin. Ina nohuitaton, shaꞌhuitarinpoaꞌ. Shaꞌhuitopirinpoahuëꞌ, naꞌcon naꞌcon piyapiꞌsasoꞌ, co yanatëtopihuëꞌ.

Juan 4:47

“Quisoso Cotia parti quëran pipirahuaton, Cariria parti canquirin,” topi, natantërin. Natantahuaton, paahuarin: —Huëquëꞌ Maistro huiꞌnahuë anoyatiimaco. Nani yachiminin, itërin.

Juan 7:1

Ina quëran huaꞌquimiáchin Quisoso Cariria parti yaꞌhuërarin. Cotioroꞌsari yatëpapi niꞌton, co Cotia parti yapaꞌninhuëꞌ.