Juan 4:16 - Chayahuita (Shahui)

¹⁶ —Paaton imoya soꞌyan maconquëꞌ huëꞌin, itërin.

Juan 4:16 ပူးပေါင်းရင်းမြစ်များ

Juan 1:42

Itahuaton, Quisosoquë quëparin. Quisosori notëërahuaton, itërin: —Carinquën nohuitëranquën. Quëmasoꞌ Simonquën. Coansha huiꞌninquën. Nasha nininën acotaranquën. Pitro ichinquën, itërin. Inaora nananquë Sipasë itopi. (Naꞌpi pochin tapon naporin.)

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 4:15

—Ina iꞌsha sinioro quëtoco ama yamoroto, iꞌsha masaꞌisohuëꞌ, itërin.

Juan 4:17

—Co casoꞌ soꞌyahuancohuëꞌ, itërin. —Noꞌtëquën naporan. Co soꞌyahuanquënhuëꞌ.

Juan 4:18

Nani aꞌnatërápo quëmapi soꞌyataponahuëꞌ, iporasoꞌ quëmapi yacaparansoꞌ co soꞌyanhuëꞌ. Noꞌtëquën nonan, itërin.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.